എയിംസിന്റെ കാര്യത്തില്‍ സര്‍ക്കാര്‍ അലംഭാവം കാട്ടിയില്ല, 4 സ്ഥലങ്ങള്‍ പരിഗണനയില്‍
ആള്‍ ഇന്ത്യാ ഇന്‍സ്റ്റിറ്റിയൂട്ട്‌ ഓഫ്‌ മെഡിക്കല്‍ സയന്‍സിന്റെ (എയിംസ്‌) കാര്യത്തില്‍ സംസ്ഥാന സര്‍ക്കാര്‍ അലംഭാവം കാണിച്ചിട്ടില്ലെന്ന്‌ ആരോഗ്യ മന്ത്രി വിഎസ്‌ ശിവകുമാര്‍ പറഞ്ഞു. എയിംസ്‌ സ്ഥാപിക്കുന്നതിനായി 4 സ്ഥലങ്ങള്‍ കണ്ടെത്തിയതായും അദ്ദേഹം പറഞ്ഞു.
എയിംസിന്റെ കാര്യത്തില്‍ സര്‍ക്കാര്‍ കാലതാമസം വരുത്തിയെന്ന്‌ ആരോപിച്ച്‌ പ്രതിപക്ഷം കൊണ്ടുവന്ന അടിയന്തിര പ്രമേയ നോട്ടീസിന്‌ മറുപടി പറയുകയായിരുന്നു മന്ത്രി. സര്‍ക്കാരിന്റെ അനാസ്ഥ കാരണം എയിംസ്‌ നഷ്‌ടപ്പെടുന്ന അവസ്ഥയാണുള്ളതെന്ന്‌ അടിയന്തിര പ്രമേയം കൊണ്ടുവന്ന പി.ടി.എ. റഹീം പറഞ്ഞു.
തിരുവനന്തപുരത്ത്‌ നെട്ടുകാല്‍ത്തേരി, കോട്ടയത്ത്‌ മെഡിക്കല്‍ കോളേജും അതിനോട്‌ ചേര്‍ന്നുള്ള സ്ഥലവും എറണാകുളത്ത്‌ കളമശ്ശേരി എച്ച്‌എംടി കോമ്പൗണ്ട്‌, കോഴിക്കോട് കിനാലൂര്‍ എന്നീ സ്ഥലങ്ങള്‍ എയിംസ്‌ സ്ഥാപിക്കുന്നതിനായി ശുപാര്‍ശ ചെയ്യാന്‍ സര്‍ക്കാര്‍ തീരുമാനിച്ചതായും മന്ത്രി പറഞ്ഞു.
https://www.facebook.com/Malayalivartha
