വല്ലതുമുണ്ടേല്‍ തീരുമാനിച്ചോ വെക്കം വേണം! (സുധീരന് സ്ഥലത്തില്ല)
ഉമ്മന്‍ചാണ്ടിയും രമേശ് ചെന്നിത്തലയും ഒന്നു ശ്വാസം വിട്ടത്‌ ഇപ്പോഴാണ്‌. സുധീരന് അമേരിക്കക്ക്‌ പോയി. എന്തങ്കിലുമൊക്കെ തീരുമാനമെടുക്കുന്നുണ്ടെങ്കില്‍ ഉടനെടുക്കാന്‍ സുധീരവിരുദ്ധ ഗ്രൂപ്പ്‌ നേതാക്കള്‍ ശ്രമം തുടങ്ങി. സുധീരന് സ്ഥലം വിട്ടത്‌ പ്രമാണിച്ച്‌ മന്ത്രി കെ.ബാബുവും ഉമ്മന്‍ചാണ്ടിയും കൂടിക്കാഴ്‌ച നടത്തി. പൂട്ടിയ 418 ബാറുകള്‍ സുധീരന് വരുന്നതിനു മുന്നേ തുറക്കാന്‍ പറ്റുമോ എന്നും സര്‍ക്കാര്‍ നോക്കുന്നുണ്ട്‌. അതേസമയം ബാറിന്‍മേലുളള എന്തു തീരുമാനവും താന്‍ വന്നിട്ടു നടത്തിയാല്‍ മതി എന്ന് സൂധീരന്‍ ഉമ്മന്‍ചാണ്ടിക്ക്‌ നിര്‍ദേശം നല്‍കിയതായി അറിയുന്നു. ഇത്തരം നിര്‍ദ്ദേശങ്ങളില്‍ ഉമ്മന്‍ചാണ്ടി അസഹ്യനാണ്‌.
മദ്യനയം തീരുമാനിക്കാനുളള സര്‍ക്കാര്‍ പാര്‍ട്ടി ഉപസമിതി സുധീരന് യാത്ര തിരിക്കുന്നതിന്‌ മുമ്പ്‌ യോഗം ചേര്‍ന്നിരന്നു. പ്രസ്‌തുത യോഗത്തിലും ബാറുകള്‍ തുറക്കുന്ന കാര്യത്തില്‍ തീരുമാനം ആയില്ല. ബാറുകള്‍ ഒരുകാരണവശാലും തുറക്കാനാവില്ലെന്ന സുധീരന്റെ നിലപാട്‌ തന്നെയാണ്‌ ഉമ്മന്‍ചാണ്ടിക്ക്‌ കീറാമുട്ടിയായത്‌. സ്വകാര്യ സന്ദര്‍ശനാര്‍ഹമാണ്‌ സുധീരന് യു.എസില്‍ പോയത്‌.
സുധീരനെ കടത്തിവെട്ടാന്‍ ബാര്‍ ഉടമകളോട്‌ ഹൈക്കോടതിയെ സമീപിക്കാന്‍ കെ.ബാബുവും മറ്റും ഉപദേശിച്ചെങ്കിലും ആ നീക്കം ഫലവത്തായില്ല. ബാര്‍ തുറക്കാന്‍ തന്നെ കോടതി ഉത്തരവുണ്ടാകുമെന്ന്‌ ബാര്‍ ഉടമകള്‍ പ്രതീക്ഷിക്കുന്നു. എന്നാല്‍ അതുണ്ടായില്ലെന്ന്‌ മാത്രമല്ല മദ്യനയം തീരുമാനിക്കുന്നത്‌ സര്‍ക്കാരാണെന്നും അതില്‍ കോടതിക്കു പങ്കില്ലെന്നും ഹൈക്കോടതി ഡിവിഷന്‍ ബഞ്ച്‌ അറിയിച്ചു. ഇത്‌ ബാറുടമള്‍ പ്രതീക്ഷിച്ചതിനും അപ്പുറത്തായിരുന്നു. ഉപസമിതി അംഗങ്ങളായ രമേശ് ചെന്നത്തിലയ്‌ക്കും പി.പി.തങ്കച്ചനും ബാര്‍ ഇരിക്കുന്നതിനോട്‌ താല്‌പര്യമാണ്‌. ഇവര്‍ സുധീരന്റെ കര്‍ശന നിലപാടിനോട്‌ യോജിക്കുന്നതേയില്ല. രാഷ്‌ട്രീയമാകുമ്പോള്‍ വിട്ടുവീഴ്‌ച വേണമെന്ന്‌ തന്നെയാണ്‌ പ്രമുഖ നേതാക്കന്‍മാരുടെ നിലപാട്‌.
ഇതിനിടെ സുധീരന്റെ അസാനിധ്യം മനസിലാക്കി മുസ്ലീംലീഗ്‌ സര്‍ക്കാരിന്‌ പരാതിയുമായി ഇറങ്ങിക്കഴിഞ്ഞു. പുതിയ പ്ലസ്‌ടൂ സ്‌കൂള്‍ അനുവദിക്കാനാണ്‌ ലീഗിന്റെ ഉദ്ദേശ്യം. പ്ലസ്‌ടൂ സ്‌കൂള്‍ വിവാദം കൊടുമ്പിരി കൊളളാനാണ്‌ സാധ്യത. സുധീരന് മാത്രമല്ല കോണ്‍ഗ്രസുകാര്‍ക്കും പുതിയ സ്‌കൂള്‍ അനുവദിക്കുന്നതിനോട്‌ താല്‌പര്യമില്ല. മലബാറില്‍ ലീഗിന്‌ പ്രാധിനിത്യമുളള സ്ഥലങ്ങളില്‍ പുതിയ പ്ലസ്‌ടുകള്‍ അനുവദിക്കാനാണ്‌ തീരുമാനം. ബാറില്‍ നിന്നും കിട്ടാത്ത കൈക്കൂലി സ്‌ക്കൂളില്‍ നിന്നും കിട്ടുമോ എന്നാണ്‌ ചിലരുടെ നോട്ടം. പുതിയ സ്‌കൂള്‍ അനുവദിക്കുന്നതിനെ വി.എം.സുധീരന് കര്‍ശനമായി എതിര്‍ത്തിരുന്നു. ഇതിനുവേണ്ടി രണ്ടു തവണ മന്ത്രിസഭ യോഗം ചേര്‍ന്നിരുന്നു. സ്‌ക്കൂള്‍ അനുവദിച്ചതുസംബന്ധിച്ച്‌ പി.കെ.കുഞ്ഞാലിക്കുട്ടി സൂധീരനുമായി ചര്‍ച്ച നടത്തിയിരുന്നവെങ്കലും സുധീരന് അടുത്തില്ല. ഇടതുസര്‍ക്കാരിന്റെ കാലത്ത്‌ പ്ലസ്‌ടൂ സ്‌കൂള്‍ അനുവദിക്കുന്നതുമായി ബന്ധപ്പെട്ട്‌ അന്നത്തെ വിദ്യാഭ്യാസമന്ത്രി പി.കെ.ജോസഫ് അഴിമതി ആരോപണങ്ങള്‍ കേട്ടിരുന്നു. ഇത്‌ മനസിലാക്കിയാണ്‌ സുധീരന് തീരുമാനം എടുക്കരുതെന്ന്‌ സര്‍ക്കാരിന്‌ നിര്‍ദേശം നല്‍കിയത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
