മില്‍മ പാലിന്‌ ലിറ്ററിന്‌ മൂന്ന് രൂപ കൂട്ടി
മില്‍മ പാലിന്‌ ലിറ്ററിന്‌ മൂന്ന് രൂപ കൂട്ടി. വര്‍ദ്ധിപ്പിച്ച വില തിങ്കളാഴ്‌ച മുതല്‍ നിലവില്‍ വരും. കൂട്ടിയ വിലയില്‍ രണ്ടു രൂപ നാല്‌പതു പൈസ കര്‍ഷകര്‍ക്ക്‌ ലഭിക്കും. കോഴിക്കോട് ചേര്‍ന്ന മില്‍മയുടെ യോഗത്തിലാണ്‌ ഈ തീരുമാനം.
ഇനി മുതല്‍ അര ലിറ്റര്‍ ടോണ്‍ഡ്‌ പാലിന്‌ 19 രൂപയാകും ഉപഭോക്താക്കള്‍ നല്‍കേണ്ടി വരിക. അര ലിറ്റര്‍ റിച്ച്‌ പ്ലസിന്‌ മില്‍മ പാലിന്‌ 21 രൂപ 50 പൈസയും അര ലിറ്റര്‍ ഡബിള്‍ ടോണ്‍ഡ്‌ പാലിന്‌ 18 രൂപയും തിങ്കളാഴ്‌ച മുതല്‍ നല്‍കണം.
വില വര്‍ദ്ധിപ്പിക്കണമെന്ന്‌ മൂന്ന് മേഖല യൂണിയനുകളുടെയും മില്‍മയുടെയും എംഡിമാരുടെ കമ്മിറ്റി ശുപാര്‍ശ ചെയ്‌തിരുന്നു. ഇതിന്റെ അടിസ്ഥാനത്തിലാണ്‌ വില വര്‍ദ്ധിപ്പിച്ചത്‌.
മില്‍മ സ്വയം ഭരണ സ്ഥാപനമായതിനാല്‍ പാല്‍ വില വര്‍ദ്ധിപ്പിക്കാനുള്ള അവകാശമുണ്ടെന്ന്‌ ഹൈക്കോടതി 2011 ല്‍ ഉത്തരവിട്ടിരുന്നു. ഇതിന്റെ അടിസ്ഥാനത്തിലാണ്‌ അന്ന്‌ ലിറ്ററിന്‌ 5 രൂപ കൂട്ടിയിരുന്നു.
നിലവിലിപ്പോള്‍ 27-29 രൂപയാണ് ക്ഷീരകര്‍ഷകര്‍ക്ക്‌ മില്‍മ നല്‍കുന്നത്‌. എന്നാല്‍ ഉല്‌പാദന ചെലവ്‌ 35 രൂപയാണെന്നാണ്‌ എംഡിമാരുടെ കമ്മിറ്റി കണ്ടെത്തിയത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
