കുട്ടികളെ കടത്തിയ സംഭവം; മുക്കം അനാഥാലയത്തിനെതിരെ കേസെടുക്കും
ഝാര്ഖണ്ഡില് നിന്ന് കേരളത്തിലേക്ക് കുട്ടികളെ എത്തിച്ച സംഭവത്തില് അനാഥാലയത്തിനെതിരെ കേസെടുക്കുമെന്ന് ഝാര്ഖണ്ഡ് ക്രൈംബ്രാഞ്ച്. മാനേജ്മെന്റിന്റെ അറിവോടെയാണ് കുട്ടികളെ കടത്തിയതെന്നും ക്രൈംബ്രാഞ്ച് അറിയിച്ചു. കഴിഞ്ഞ ദിവസമാണ് ഝാര്ഖണ്ഡില് നിന്നുള്ള ഏഴംഗ ക്രൈബ്രാഞ്ച് സംഘം അന്വേഷണത്തിന്റെ ഭാഗമായി മുക്കം അനാഥാലയം സന്ദര്ശിച്ചത്.
കുട്ടികളുടെ മൊഴിയെടുത്ത സംഘം, ഏതു സാഹചര്യത്തിലാണ് കുട്ടികളെ കൊണ്ടുവന്നതെന്നും അന്വേഷിച്ചു. തുടര്ന്ന് കുട്ടികളെ എത്തിച്ചത് മാനേജ്മെന്റിന്റെ അറിവോടെയാണെന്ന് കണ്ടെത്തിയതിനെ തുടര്ന്നാണ് അനാഥാലയത്തിനെതിരേ കേസെടുക്കാന് തീരുമാനമായത്.
ഝാര്ഖണ്ഡിലേക്ക് ഇന്നുതന്നെ തിരിച്ചുപോകുന്ന ക്രൈംബ്രാഞ്ച് സംഘം ഇക്കാര്യത്തില് ഉടന് തന്നെ തുടര്നടപടികള് സ്വീകരിക്കും. കഴിഞ്ഞ മേയിലാണ് നാനൂറോളം കുട്ടികളെ അന്യസംസ്ഥാനങ്ങളില് നിന്ന് ട്രെയിനില് കേരളത്തിലെത്തിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha