ഡ്രൈവര്‍മാരില്‍ ഒരു വിഭാഗം അടിച്ചു ഫിറ്റ്‌; ജീവന്‍ വേണേല്‍ കെ.എസ്‌.ആര്‍.ടി സിയില്‍ കയറരുത്‌
കെ.എസ്‌.ആര്‍.ടി സിയിലെ നാല്‌പതുശതമാനം ഡ്രൈവര്‍മാര്‍ സ്ഥിരമദ്യപാനികള്‍. രാത്രികളില്‍ ദീര്‍ഘദൂരയാത്രപോകുന്ന ബസുകളിലെ ഡ്രൈവര്‍മാര്‍ മദ്യപിച്ചശേഷമാണ്‌ സ്റ്റേഷനില്‍ നിന്നും പുറപ്പെടുന്നത്‌. പുലര്‍ച്ചേ മദ്യപിച്ചശേഷം ബസ്‌ ഓടിക്കുന്നവരുടെ എണ്ണവും കുറവല്ല. രാത്രിയും രാവിലെയുമൊക്കയുള്ള ജീവന്‍ പണയം വച്ചുകൊണ്ടുളള ബസ്‌ യാത്രയെക്കുറിച്ച്‌ യാത്രക്കാര്‍ പരാതിപ്പെട്ടെങ്കിലും കാര്യമില്ലെന്ന അവസ്ഥയാണുള്ളത്‌.
ഇക്കഴിഞ്ഞ ബുധനാഴ്‌ച മദ്യപിച്ച് അവശനായി കെ.എസ്‌.ആര്‍.ടി.സി ബസ്‌ ഓടിച്ച ഒരു ഡ്രൈവറെ മറ്റൊരു വാഹന ഉടമയുടെ പരാതിയില്‍ പോലീസ്‌ പിന്തുടര്‍ന്ന്‌ പിടികൂടിയിരുന്നു. തൃശൂരില്‍ നിന്നും പുലര്‍ച്ചേ തിരുവനന്തപുരത്തേക്ക്‌ തിരിച്ച ബസിന്റെ ഡ്രൈവറാണ്‌ നിലയില്ലാതെ മദ്യപിച്ചിരുന്നത്‌. ബസ്‌ വൈറ്റില എത്തിയപ്പോള്‍ മറ്റൊരു കാറുമായി കൂട്ടിയിടിച്ചു. ബസ്‌ നിര്‍ത്താതെ പോയി. കാറുടമ പോലീസിനെ അറിയച്ചതിനെ ത്തുടര്‍ന്ന്‌ പോലീസ്‌ ബസ്‌ തടഞ്ഞുനിര്‍ത്തി. നേരേ നില്‍ക്കാന്‍ പോലും കഴിയാത്ത തരത്തില്‍ മദ്യപിച്ച ഡ്രൈവറെ കണ്ട്‌ പോലീസ്‌ ഞെട്ടി. തുടര്ന്ന് പോലീസ്‌ സ്റ്റേഷനില്‍ ഹാജരാക്കിയ തൃശൂര്‍ കെ.എസ്‌.ആര്‍.ടി.സി. ഡ്രൈവര്‍ മനോജിനെ സ്റ്റേഷന്‍ ജാമ്യത്തില്‍ പറഞ്ഞയച്ചു. മദ്യപിച്ചു വാഹനം ഓടിച്ചതിന്‌ കേസും രജിസ്റ്റര്‍ ചെയ്‌തു.
ഇതാണ്‌ അവസ്ഥ. നന്നായി മദ്യപിച്ചാലും ജാമ്യം ലിഭിക്കുമ്പോള്‍ ഡ്രൈവര്‍മാര്‍ മദ്യപിക്കാതിരിക്കുന്നത്‌ എങ്ങനെയെന്നാണ്‌ ചോദ്യം. കെ.എസ്‌.ആര്‍.ടി.സി. യില്‍ മദ്യപാന്‍മാരായ ഡ്രൈവര്‍മാരുടെ എണ്ണം വര്‍ദ്ധിച്ചു വരികയാണെന്ന്‌ നേരെത്ത തന്നെ റിപ്പോര്‍ട്ടുകള്‍ ഉണ്ടായിരുന്നു. പേരിന്‌ ആരെങ്കിലും വല്ലപ്പോഴും പിടികൊടുക്കുന്നതോടെ ജോലി കഴിയും. ദീര്‍ഘദൂര ബസുകളിലെ ഡ്രൈവര്‍മാര്‍ മദ്യപിച്ചിട്ടുണ്ടോ എന്നറിയാനുളള യാതൊരു സംവിധനങ്ങളും കെ.എസ്‌.ആര്‍.ടി.സി. യില്‍ ഇല്ല. ഏതാനും മാസങ്ങള്‍ക്കു മുന്‍പ്‌ തിരുവനന്തപുരെത്ത ഒരു സ്വകാര്യ എഞ്ചിനിയറിംഗ്‌ കോളേജിലെ ഡ്രൈവര്‍ ബൈക്കില്‍ യാത്രചെയ്‌തിരുന്ന ഒരു കുടുംബത്തിലെ രണ്ടുപേരെ വണ്ടിയിടിച്ചു കൊന്നിരുന്നു. ഡ്രൈവര്‍ മദ്യപിച്ചിരുന്നതായി നാട്ടുകാര്‍ കണ്ടെത്തിയെങ്കിലും അപകടത്തിന്‌ കാരണം ബസിന്റെ തകരാറാണെന്ന്‌ പിന്നീട്‌ കണ്ടെ ത്തി. പണവും സ്വാധീനവും ഉണ്ടെങ്കില്‍ ആര്‍ക്കും രക്ഷപെടാം.
കെ.എസ്‌.ആര്‍.ടി.സി. ഡ്രൈവര്‍മാരെ പോലീസ്‌ പരിശോധിക്കാറില്ല. ഋഷിരാജ്‌സിംഗ്‌ ഗതാഗത കമ്മീഷണറായിരുന്ന കാലത്ത്‌ പരിശോധിക്കാന്‍ നടപടികള്‍ ഉണ്ടായെങ്കിലും അദ്ദേഹം സ്ഥാനം ഒഴിഞ്ഞതോടെ അതവസാനിച്ചു. ചില ഡ്രൈവര്‍മാര്‍ക്ക്‌ ബസ്‌ ഡിപ്പോകളില്‍ നിന്നും മദ്യം ലഭിക്കാറുണ്ടെന്ന്‌ പറയപ്പെടുന്നു. യാത്രകാര്‍ക്ക്‌ ഭക്ഷണം കഴിക്കാന്‍ നിര്‍ത്തുമ്പോള്‍ ക്യാന്റിനില്‍ നിന്നും മദ്യപിക്കുന്ന ഡ്രൈവര്‍മാരും ഉണ്ട്‌. ചില ഡ്രൈവര്‍മാര്‍ ക്യാന്റിനില്‍ ബസ്‌ നിര്‍ത്തുന്നതിനു പകരം പാതയോരത്തുളള കടകളില്‍ ഭക്ഷണത്തിനായി ബസ്‌ നിര്‍ത്തുന്നു. ഇത്തരം കടകളില്‍ യഥേഷ്‌ടം മദ്യ ലഭിക്കുന്നുണ്ടെന്ന്‌ പറയപ്പെടുന്നു. എന്നാല്‍ ഇതൊന്നും പരിശോധിക്കാന്‍ യാതൊരു സൗകര്യവും നിലവിലില്ല.
ഈശ്വരാധീനമുണ്ടെങ്കില്‍ മാത്രം എത്തിച്ചേരേണ്ട സ്ഥലത്തെത്താം എന്നതാണ്‌ അവസ്ഥ. രാത്രിയും പുലര്‍ച്ചയും ബൈക്കും കാറും ഓടിക്കുന്നവര്‍ സ്വന്തം വീടിനെക്കുറിച്ച്‌ ബോധവാന്‍മാരാകണം. സ്വകാര്യബസുകളും ദീര്‍ഘദൂരയാത്രകള്‍ നടത്തുന്നുണ്ട്‌ ഇത്തരം ബസുകളിലെ ഡ്രൈവര്‍മാരുടെ അവസ്ഥ കണ്ടറിയാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
