ഞാന്‍ ആദ്യം... അബ്‌ദുള്‍ നാസര്‍ മഅദനിയെ ഉമ്മന്‍ ചാണ്ടി കണ്ടു
ബാംഗളൂര്‍ സ്‌ഫോടനക്കേസില്‍ ജാമ്യത്തിലിറങ്ങി ചികിത്സയില്‍ കഴിയുന്ന പിഡിപി ചെയര്‍മാന്‍ അബ്‌ദുള്‍ നാസര്‍ മഅദനിയെ മുഖ്യമന്ത്രി ഉമ്മന്‍ ചാണ്ടി ആശുപത്രിയില്‍ എത്തി സന്ദര്‍ശിച്ചു. മഅദനി ചികിത്സയില്‍ കഴിയുന്ന സൗഖ്യ ആശുപത്രിയില്‍ എത്തിയാണ്‌ മുഖ്യമന്ത്രി അദ്ദേഹത്തെ കണ്ടത്‌. സ്വകാര്യ ആവശ്യത്തിന്‌ ബാംഗളൂരില്‍ എത്തിയതായിരുന്നു മുഖ്യമന്ത്രി.
വൈകിട്ട്‌ അഞ്ചോടെ ആശുപത്രിയില്‍ എത്തിയ മുഖ്യമന്ത്രി 10 മിനിറ്റോളം ആശുപത്രിയില്‍ ചെലവഴിച്ചു. കടുത്ത ആരോഗ്യപ്രശ്‌നങ്ങള്‍ നേരിടുകയാണെന്നും കര്‍ണാടക സര്‍ക്കാരില്‍ നിന്ന്‌ നീതി ലഭിച്ചില്ലെന്നും മഅദനി മുഖ്യമന്ത്രിയോട്‌ പറഞ്ഞു. കേരള സര്‍ക്കാര്‍ കഴിയാവുന്ന എല്ലാ സഹായവും ചെയ്യുമെന്ന്‌ മുഖ്യമന്ത്രി മഅദനിക്ക്‌ ഉറപ്പ്‌ നല്‌കി. പെരുന്നാള്‍ സമ്മാനവും മഅദനിക്ക്‌ നല്‌കിയ ശേഷമാണ്‌ മുഖ്യമന്ത്രി ആശുപത്രി വിട്ടത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
