ആഡംബര കപ്പലിലെ നിശാപാര്ട്ടി, സിനിമാ നിര്മാതാവിന് പങ്ക്
ആഡംബര കപ്പലിലെ നിശാപാര്ട്ടിക്കിടയില് കഞ്ചാവും അനധികൃതമായി സൂക്ഷിച്ച മദ്യവും പിടിച്ചെടുത്ത സംഭവത്തില് യുവസിനിമാ നിര്മാതാവിനും പങ്കുള്ളതായാണ് പോലീസിനു ലഭിച്ച വിവരം. ഉന്നത രാഷ്ട്രീയ ബന്ധമുള്ളയാളാണ് നിശാഗന്ധിയുടെ സംഘാടകനായ യുവനിര്മാതാവ്. കൊച്ചിയിലെ പ്രമുഖ റസ്റ്റോറന്റ്, റിസോര്ട്ട് ഉടമകൂടിയാണ് ഇയാള്. കഴിഞ്ഞ ദിവസം കസ്റ്റഡിയിലെടുത്ത നാലുപേരുടെ അറസ്റ്റ് രേഖപ്പെടുത്തി. കൊച്ചി മറൈന് ഡ്രൈവില് ആഡംബര ബോട്ടിലെ നിശാപാര്ട്ടിക്കിടെ പൊലീസ് നടത്തിയ റെയ്ഡില് കഞ്ചാവും അനധികൃതമായി സൂക്ഷിച്ച മദ്യവും പിടിച്ചെടുത്തിരുന്നു. നിശാ പാര്ട്ടി സംഘടിപ്പിച്ച തൃശൂര് സ്വദേശി ശ്രീജിത്ത്, എലിസബത്ത് എന്നിവരെയും കപ്പല് വാടകയ്ക്കെടുത്ത ഷിനോജ്, ഷിജിത്ത് എന്നിവരെയുമാണ് അറസ്റ്റുചെയ്തത്.
വിദേശ യുവതി ഉള്പ്പെടെ പത്തോളം സ്ത്രീകളും പാര്ട്ടിയിലുണ്ടായിരുന്നു. പാര്ട്ടി നടത്തിപ്പുകാരായ മൂന്നു പേരെ പൊലീസ് കസ്റ്റഡിയിലെടുത്തു. ഇന്നലെ രാത്രി എട്ടുമണിയോടെയാണു മറൈന് ഡ്രൈവിലെ ആഡംബര ബോട്ടില് സിറ്റി പൊലീസ് പരിശോധന നടത്തിയത്. ബോട്ടിലെ നിശാപാര്ട്ടിക്കിടെ മദ്യവും കഞ്ചാവും മറ്റു ലഹരിവസ്തുക്കളും വിളമ്പുന്നുവെന്ന രഹസ്യവിവരത്തെ തുടര്ന്ന് ഇത്തരം പാര്ട്ടികള് പൊലീസ് നിരീക്ഷിച്ചു വരികയായിരുന്നു.
വലിയ പാര്ട്ടികളിലും മറ്റും ഏറെ നേരം ഉന്മാദം ലഭിക്കാന് വേണ്ടി ഉപയോഗിക്കുന്ന എക്സ്റ്റസി എന്നറിയപ്പെടുന്ന ചെറിയ ഗുളികയുടെ രൂപത്തിലുള്ള ലഹരിവസ്തുവാണ് എംഡിഎംഎസ്. പാര്ട്ടിക്കെത്തിയ വിദേശ യുവതിയുടെ വിശദാംശങ്ങള് പൊലീസ് പരിശോധിക്കുന്നുണ്ട്. ഇവരുടെ വീസ, പാസ്പോര്ട്ട് എന്നിവ പരിശോധനയ്ക്കു വിധേയമാക്കുമെന്നു പൊലീസ് അറിയിച്ചു.
https://www.facebook.com/Malayalivartha