മുന്‍ എംഎല്‍എമാര്‍ നേരിട്ടെത്താതെ ഹോസ്‌റ്റലില്‍ മുറി നല്‍കില്ല
എം എല്‍ എ ഹോസ്‌റ്റലില്‍ മുറി അനുവദിക്കുന്നതില്‍ നിയന്ത്രണം ഏര്‍പ്പെടുത്തിയതായി സ്‌പീക്കര്‍ ജി. കാര്‍ത്തികേയന്‍. തിരുവന്തപുരത്ത്‌ ചേര്‍ന്ന സര്‍വകക്ഷി യോഗത്തിലാണ്‌ ഇതുസംബന്ധിച്ച തീരുമാനമായത്‌. നിയമസഭ സെക്രട്ടറിക്കാണ്‌ അന്വേഷണ ചുമതല. മുന്‍ എംഎല്‍എമാര്‍ നേരിട്ട്‌ ഒപ്പിടാതെ മുറി നല്‍കില്ലെന്നും അദ്ദേഹം പറഞ്ഞു. ഹോസ്‌റ്റലില്‍ സിസിടിവി നിരീക്ഷണം ഏര്‍പ്പെടുത്തും. എംഎല്‍എമാരുടെയും പിഎമാരുടെയും വാഹനങ്ങള്‍ക്കു മാത്രമേ ഹോസ്‌റ്റല്‍ വളപ്പില്‍ പ്രവേശനം ഉണ്ടായിരിക്കുകയുളളു.
മുന്‍ എംഎല്‍എമാര്‍ക്കു പുറമെ അവരുടെ കുടുംബാംഗങ്ങള്‍ക്കു മാത്രമേ മുറി അനുവദിക്കുകയുള്ളു. ഒരാള്ക്ക് ഒന്നിലധികം മുറി അനുവദിക്കില്ല. എംഎല്‍എ ഹോസ്‌റ്റലില്‍ രാത്രി പത്തു മണിക്കു ശേഷം സന്ദര്‍ശകരെ അനുവദിക്കില്ല.
ബ്‌ളാക്ക്‌മെയില്‍ പെണ്‍വാണിഭ കേസിലെ പ്രതിക്ക്‌ അനധികൃതമായി എംഎല്‍എ ഹോസ്‌റ്റലില്‍ മുറി നല്‍കിയത്‌ അന്വേഷിക്കും. ബ്‌ളാക്ക്‌ മെയില്‍ പെണ്‍വാണിഭ കേസിലെ പ്രതി രക്ഷപെട്ടത്‌ എംഎല്‍എ ഹോസ്‌റ്റലില്‍ നിന്നാണ്‌. അറസ്‌റ്റ്‌ നടന്നത്‌ എംഎല്‍എ ഹോസ്‌റ്റലില്‍ നിന്നല്ലെന്നും കാര്‍ത്തികേയന്‍ പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
