വന്‍ ദുരന്തം ഒഴിവായി; കരിപ്പൂരില്‍ ലാന്‍ഡ്‌ ചെയ്യുന്നതിനിടെ എയര്‍ ഇന്ത്യ വിമാനത്തിന്റെ ടയര്‍ പൊട്ടി
02 AUGUST 2014 10:49 AM IST
മലയാളി വാര്‍ത്ത.
സൗദിയിലെ ജിദ്ദയില്‍ നിന്നു കരിപ്പൂരിലേക്കു വരികയായിരുന്ന വിമാനത്തിന്റെ ടയര്‍ പൊട്ടി. ലാന്‍ഡ്‌ ചെയ്യുന്നതിനിടെയാണ്‌ ടയര്‍ പൊട്ടിയത്‌. പുറകിലുള്ള ടയറിലൊരെണ്ണമാണ്‌ പൊട്ടിയത്‌. പൈലറ്റിന്റെ മന:സാന്നിധ്യമാണ്‌ വന്‍ ദുരന്തത്തില്‍ നിന്നും രക്ഷിച്ചത്‌.
രാവിലെ 7.40ന്‌ എത്തിയ എയര്‍ ഇന്ത്യയുടെ വിമാനത്തിന്റെ പിന്‍ചക്രമാണു പൊട്ടിയത്‌. ജീവനക്കാര്‍ അടക്കം 450 യാത്രക്കാര്‍ വിമാനത്തിലുണ്ടായിരുന്നു. എല്ലാവരും സുരക്ഷിതരാണെന്ന്‌ അധികൃതര്‍ അറിയിച്ചു.
അടിയന്തര സാഹചര്യം നേരിടാന്‍ അഗ്നിശമന സേനയടക്കം വന്‍ സുരക്ഷാ സന്നാഹങ്ങള്‍ വിമാനത്താവളത്തില്‍ ഒരുക്കിയിരുന്നു. വിമാനം പിന്നീട്‌ റണ്‍വേയില്‍ നിന്നു മാറ്റി . തകരാര്‍ പരിഹരിച്ച ശേഷം വൈകിട്ട്‌ ജിദ്ദയിലേക്കു മടങ്ങും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
