സര്‍ക്കാര്‍ ഡോക്ടര്‍മാരുടെ സമരം പിന്‍വലിച്ചതായി കെ.ജി.എം.ഒ.എ അറിയിച്ചു
ആവിശ്യങ്ങള്‍ അംഗീകരിച്ചതിനെ തുടര്‍ന്ന്‌ സര്‍ക്കാര്‍ ഡോക്ടര്‍മാരുടെ സമരം പിന്‍വലിച്ചതായി കെ.ജി.എം.ഒ.എ അറിയിച്ചു. ആവശ്യങ്ങള്‍ അംഗീകരിച്ചതായും ഡയസ്‌നോണ്‍, അച്ചടക്കനടപടി തുടങ്ങിയവ പിന്‍വലിച്ചതായും ഭാരവാഹികള്‍ പറഞ്ഞു. ആരോഗ്യവകുപ്പ് സെക്രട്ടറിയുമായി നടത്തിയ ചര്‍ച്ചയിലാണ് സമരം പിന്‍വലിക്കാന്‍ തീരുമാനമായത്‌.
ജനറല്‍, ജില്ലാ ആശുപത്രികളിലെ സ്‌പെഷ്യലിസ്റ്റ് ഡോക്ടര്‍മാരെ പുതിയ മെഡിക്കല്‍ കോളേജുകളിലേയ്ക്ക് മാറ്റുന്ന തീരുമാനം പിന്‍വലിക്കുക, രാത്രി ഡ്യൂട്ടി കഴിഞ്ഞിറങ്ങുന്നവരെ രാവിലെയും ജോലി നോക്കണമെന്നുള്ള ഉത്തരവ് പിന്‍വലിക്കുക, ആശുപത്രികളില്‍ ഗുണമേന്മയുള്ള അവശ്യമരുന്നുകളുടെ ക്ഷാമം പരിഹരിക്കുക തുടങ്ങി പതിനെട്ടോളം ആവശ്യങ്ങള്‍ ഉന്നയിച്ചാണ് ഡോക്ടര്‍മാര്‍ സമരം നടത്തിയത്.
ആരോഗ്യവകുപ്പ് നടത്തുന്ന വിവിധ പരിശീലന പരിപാടികള്‍, കോണ്‍ഫറന്‍സുകള്‍ എന്നിവ ബഹിഷ്‌കരിച്ചാണ് ഡോക്ടര്‍മാര്‍ സമരം നടത്തിയത്.
https://www.facebook.com/Malayalivartha
