എനിക്ക് ഡിഗ്രിയുണ്ട്… അമേരിക്കയിലെ യേല് യൂണിവേഴ്സിറ്റിയില് നിന്നും
കേന്ദ്രമാനവ വിഭവശേഷി മന്ത്രിയ്ക്ക് കേവലം ബിരുദം പോലുമില്ലെന്ന കോണ്ഗ്രസിന്റെ ആക്ഷേപം തണുത്തിട്ട് മാസങ്ങളായി. എന്നാല് അന്നൊന്നും പറയാത്ത അവകാശവാദവുമായി കേന്ദ്രമാനവ വിഭവശേഷി മന്ത്രി സ്മൃതി ഇറാനി രംഗത്ത്.
യുഎസിലെ യേല് യൂണിവേഴ്സിറ്റിയില് ബിരുദമുണ്ടെന്നാണ് സ്മൃതി ഇറാനി വെളിപ്പെടുത്തിയിരിക്കുന്നത്. ഇന്ത്യാ ടുടേ സംഘടിപ്പിച്ച വുമണ് സമ്മിറ്റ് 2014ല് ഉയര്ന്ന ചോദ്യത്തിന് മറുപടിയായാണ് സ്മൃതി ഇക്കാര്യം വെളിപ്പെടുത്തിയത്.
അതേസമയം, യൂണിവേഴ്സിറ്റിയില് ഏതുവിഷയത്തിലാണ് ബിരുദം എടുത്തതെന്നുള്ള കാര്യം സ്മൃതി വെളിപ്പെടുത്തിയില്ല. ലോക്സഭാ തെരഞ്ഞെടുപ്പ് വേളയില് സ്മൃതി ഇറാനിയടക്കം ഒരു സംഘം എംപിമാര് യേല് യൂണിവേഴ്സിറ്റിയില് ക്രാഷ് കോഴ്സ് ചെയ്തിരുന്നു.
ലോക്സഭാ തെരഞ്ഞെടുപ്പില് മത്സരിക്കാന് സ്മൃതി ഇറാനി സമര്പ്പിച്ച നാമനിര്ദേശ പത്രികയില് വിദ്യാഭ്യാസ യോഗ്യതയില് തെറ്റായ വിവരങ്ങളാണ് നല്കിയിരിക്കുന്നതെന്ന് ആരോപിച്ച് കോണ്ഗ്രസ് നേരത്തെ രംഗത്തു വന്നിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha