ബി നിലവറ തുറന്നതായി മുന് സിഎജി റിപ്പോര്ട്ട്... 1990 ല് രണ്ട് തവണയും 2005 ല് അഞ്ച് തവണയും തുറന്നു; ഇല്ലെന്ന് വീണ്ടും രാജ കുടുംബം
പത്മനാഭസ്വമി ക്ഷേത്രത്തിലെ ബി നിലവറ തുറന്നതായി റിപ്പോര്ട്ട്. മുന് സിഎജി വിനോദ് റായി സുപ്രീം കോടതിയില് സമര്പ്പിച്ച റിപ്പോര്ട്ടിലാണ് ഇക്കാര്യമുള്ളത്. 1990 ല് രണ്ട് തവണയും 2005 ല് അഞ്ച് തവണയും നിലവറ തുറന്നതായാണ് റിപ്പോര്ട്ടിലുള്ളത്.
പത്ത് പേജുള്ള റിപ്പോര്ട്ടാണ് സുപ്രീംകോടതിയില് സമര്പ്പിച്ചിരുന്നത്. നിലവറയിലെ സ്വര്ണത്തിന്റെ കണക്കില് കൃത്യത ഇല്ലെന്നും ക്ഷേത്രത്തിലെ സാമ്പത്തിക ഇടപാടുകളില് സുതാര്യതയില്ലെന്നും റിപ്പോര്ട്ടില് സൂചിപ്പിക്കുന്നു. കഴിഞ്ഞ 15 വര്ഷത്തെ ക്ഷേത്രത്തിലെ കാര്യങ്ങള് പരിശോധിക്കാന് പ്രത്യേക ഓഡിറ്റ് വേണമെന്നും റിപ്പോര്ട്ടില് പറയുന്നുണ്ട്.
അതേ സമയം പത്മനാഭസ്വാമി ക്ഷേത്രത്തിന്റെ ബി നിലവറയുടെ പ്രധാന വാതില് തുറന്നിട്ടില്ലെന്ന് രാജകുടുംബം. ക്ഷേത്രത്തിലെ ബി നിലവറ തുറന്നതായി റിപ്പോര്ട്ട് പുറത്തു വന്നതിനെ തുടര്ന്നാണ് രാജകുടുംബം വിശദീകരണവുമായി രംഗത്തെത്തിയത്. മൂല്യനിര്ണയ സമിതിയും നിലവറയുടെ ആദ്യ വാതില് മാത്രമാണ് തുറന്നിട്ടുള്ളതെന്നും രാജകുടുംബം പറഞ്ഞു.
ബി നിലവറ തുറന്നിട്ടില്ലെന്നായിരുന്നു രാജകുടുംബം നേരത്തെ കോടതിയെ ബോധിപ്പിച്ചിരുന്നത്. ഈ വാദമാണ് റിപ്പോര്ട്ട് പുറത്ത് വന്നതിലൂടെ പൊളിയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha