ഒന്നിച്ചാല് എന്താ കുഴപ്പം? സിപിഎം, സിപിഐ പാര്ട്ടി ലയനം ആവശ്യമാണെന്ന് എം.എ.ബേബി
സിപിഎം, സിപിഐ പാര്ട്ടി ലയനം ആവശ്യമാണെന്ന് സിപിഎം പോളിറ്റ് ബ്യൂറോ അംഗം എം.എ.ബേബി. ഇരുപാര്ട്ടികളും ഒരുമിച്ച് നില്ക്കണമെന്നാണ് പ്രവര്ത്തകരുടെയും പൊതുജനങ്ങളുടെയും വികാരം. ഇടത് പാര്ട്ടികള് ഒരുമിച്ച് നില്ക്കേണ്ടത് കാലഘട്ടത്തിന്റെ ആവശ്യം കൂടിയാണ്. എന്നാല് ഇക്കാര്യം പറയുന്നത് പോലെ എളുപ്പമല്ലെന്നും എം.എ.ബേബി പറഞ്ഞു. തൃശൂരില് സി.അച്യുതമേനോന് അനുസ്മരണ ചടങ്ങില് സംസാരിക്കുകയായിരുന്നു അദ്ദേഹം.
മുന്പ് ഇരുപാര്ട്ടികളും ഒരുമിക്കണമെന്ന ആവശ്യം സിപിഐ നേതാവ് ബിനോയ് വിശ്വം ഉന്നയിച്ചിരുന്നു. ഇത് വിവാദമായിരുന്നു. ഒരിടവേളയ്ക്ക് ശേഷം സിപിഎം പോളിറ്റ് ബ്യൂറോ അംഗമായ ബേബി തന്നെ പാര്ട്ടി ലയനം എടുത്തിട്ടത് വീണ്ടും ചര്ച്ചയാകുകയാണ്. സിപിഐയുടെ മുതിര്ന്ന നേതാക്കളായ ബിനോയ് വിശ്വം, സി.എന്.ചന്ദ്രന് എന്നിവര് ഇരുന്ന വേദിയിലാണ് ബേബി തന്റെ നിലപാട് വ്യക്തമാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha