ടി.പി.ചന്ദ്രശേഖരന്‍ വധം: പി.കെ.കുഞ്ഞനന്തന്റെ വീട്ടില്‍ ഗൂഡാലോചന നടന്നതായി സാക്ഷിമൊഴി
16 MARCH 2013 06:26 AM IST
മലയാളി വാര്‍ത്ത.
ടി.പി.ചന്ദ്രശേഖരന്‍ വധക്കേസില്‍ പി.കെ.കുഞ്ഞനന്തനെതിരെ സാക്ഷിമൊഴി. കുഞ്ഞനന്തന്റെ വീട്ടിലാണു ഗൂഡാലോചന നടന്നത്‌. ചന്ദ്രശേഖരന്‍ വധിക്കപ്പെടുന്നതിനു മുന്‍പു പലതവണ കുഞ്ഞനന്തന്റെ വീട്ടില്‍ കേസിലെ പ്രതികളായ സിപിഎം നേതാക്കള്‍ വന്നതായാണു കേസിലെ പത്തൊമ്പതാം സാക്ഷിയായ ഇ.ബാബുവിന്റെ മൊഴി. താന്‍ അമ്പലത്തിലേക്ക്‌ പോകുമ്പോള്‍ പ്രതികളായ കെ.സി.രാമചന്ദ്രനും,മനോജും കുഞ്ഞനന്തന്റെ വീട്ടിലേക്ക് ബൈക്കില്‍ പോകുന്നതു കണ്ടു എന്നാണ്‌ ബാബു മൊഴി നല്‍കിയിരിക്കുന്നത്‌. അന്വേഷണ വേളയില്‍ പോലീസിനും ഇയാള്‍ ഇതേ മൊഴി നല്‍കിയിരുന്നു. നേരത്തെ കേസിലെ രണ്ടു സാക്ഷികള്‍ കൂറുമാറിയിരുന്നു. ഒമ്പതാം സാക്ഷി സുമേഷും, പതിനാലാം സാക്ഷി പി.വി.വിജേഷുമാണ്‌ കൂറുമാറിയത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
