പുലിത്തോലുമായി മൂന്നു പേരെ വനപാലകര് അറസ്റ്റുചെയ്തു
റാന്നിയില് പുലിത്തോലുമായി വന്ന മൂന്നു യുവാക്കളെ വനപാലകര് അറസ്റ്റ് ചെയ്തു. അജയ് മോഹന് (22), അനുരാജ് (21), എന്ജിനിയറിംഗ് വിദ്യാര്ഥിയായ മാറ്റ്സണ് ഹെര്ബര്ട്ട് (25) എന്നിവരെയാണ് അറസ്റ്റ് ചെയ്തത്. ഇന്നലെ ഉച്ചകഴിഞ്ഞു മൂന്നോടെ ഫോറസ്റ്റ് ഇന്റലിജന്സിന് ലഭിച്ച രഹസ്യ വിവരത്തേത്തുടര്ന്ന് ഫോറസ്റ്റ് വിജിലന്സ് ഉദ്യോഗസ്ഥരും റാന്നി റേഞ്ചിലെ കരികുളം സ്റ്റേഷനിലെ ഉദ്യോഗസ്ഥരും ചേര്ന്നാണ് ഇവരെ പിടികൂടിയത്.
കായംകുളത്തുള്ള ലോഡ്ജില് തങ്ങിയാണു കച്ചവടം നടത്തിയിരുന്നത്. പുലിത്തോല് കൂടാതെ പുലിയുടെ തലയോട്ടി, താടിയെല്ല്, നഖം എന്നിവയും ഇവരില് നിന്നും കണ്ടെടുത്തിട്ടുണ്ട്. ഫോറസ്റ്റ് അധികൃതര് പുലിത്തോലും മറ്റും വാങ്ങാനാണെന്ന വ്യാജേന ഏഴു ലക്ഷം രൂപയോളം തുക പറഞ്ഞ് ഉറപ്പിച്ചാണ് ഇവരെ സമീപിച്ചത്.
ഫോണില് ബന്ധപ്പെട്ട് ഇവര് പറഞ്ഞ സ്ഥലത്തെത്തി കസ്റ്റഡിയിലെടുക്കുകയായിരുന്നു. പുലിത്തോല് തമിഴ്നാട്ടിലെ നാഗര്കോവില് നിന്നും ലഭിച്ചതാണെന്നാണ് ഇവര് വനപാലകരോട് പറഞ്ഞത്. ഇവരെ ഇന്നു കോടതിയില് ഹാജരാക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha