ഹൈബി ഈഡനു നേരേ സണ്ണി ആലപ്പാട്ടിന്റെ കൈയേറ്റം
എറണാകുളം ഗസ്റ്റ് ഹൗസില് മുഖ്യമന്ത്രിയുടെ മുറിക്കു മുന്നില് ഹൈബി ഈഡന് എം.എല്.എയ്ക്കു നേരെ വ്യാപാരിയും സിന്ഡിക്കേറ്റ് അംഗവുമായ സണ്ണി ആലപ്പാട്ടിന്റെ കൈയേറ്റശ്രമം. ഇന്നലെ രാത്രിയിലാണു സംഭവം. സണ്ണി ആലപ്പാട്ടിന്റെ ആക്രമണശ്രമത്തില്നിന്നു പോലീസാണ് എം.എല്.എയെ രക്ഷപ്പെടുത്തിയത്. ഗസ്റ്റ് ഹൗസില് മുഖ്യമന്ത്രിയുള്ളപ്പോ പ്പോഴായിരുന്നു സംഭവം നടന്നത്.
കൊച്ചി ശാസ്ത്ര സാങ്കേതിക സര്വകലാശാല (കുസാറ്റ്) വൈസ് ചാന്സലര് നിയമനത്തിനുവേണ്ടിയുള്ള സമിതിയിലേക്കു നടക്കുന്ന തെരഞ്ഞെടുപ്പുമായി ബന്ധപ്പെട്ട തര്ക്കമാണ് എം.എല്.എയ്ക്കെതിരേ രംഗത്തുവരാന് സിന്ഡിക്കേറ്റ് അംഗം കൂടിയായ വ്യാപാരിയെ പ്രേരിപ്പിച്ചത്. സമിതിയിലിടം നേടാന് ഹൈബി ഈഡന് തയാറെടുപ്പ് നടത്തുന്നതിനിടെ സണ്ണി ആലപ്പാട്ട് അടക്കമുള്ളവര് രഹസ്യമായി രംഗത്തു വരികയും മുസ്ലിം ലീഗ് നേതാവ് കെ.എം. ഷാജിയെ മത്സരരംഗത്ത് ഇറക്കുകയും ചെയ്തിരുന്നു.
മുഖ്യമന്ത്രി ഉണ്ടായിരുന്ന രണ്ടാം നമ്പര് മുറിയ്ക്ക് പുറത്തു പോലീസും ജനപ്രതിനിധികളും ചാനല്പടയും നോക്കി നില്ക്കെ സണ്ണി പരസ്യമായി പേര് വിളിച്ച് ഹൈബിയോട് അസഭ്യവര്ഷം നടത്തുകയായിരുന്നു. ഇതിനൊടുവിലായിരുന്നു കൈയേറ്റശ്രമം. പോലീസും മറ്റു നേതാക്കളും പണിപ്പെട്ടാണ് ഹൈബിയെ സംരക്ഷിച്ച് മാറ്റിയത്. ബഹളം കേട്ട് മുഖ്യമന്ത്രി പുറത്തുവന്നു. കേവലം വസ്ത്രവ്യാപാരിയായ സണ്ണി എങ്ങിനെയാണു സര്വകലാശാല സിന്ഡിക്കേറ്റ് അംഗമായി മാറിയതെന്നാണ് ഹൈബി അനുകൂലികളുടെ ചോദ്യം. അവിശുദ്ധ രാഷ്ട്രീയ കൂട്ടുകെട്ടിന്റെ ഫലമാണിതെന്നും ഇവര് ആരോപിക്കുന്നു.
കുസാറ്റ് വി.സിയെ നിയമിക്കാനായി സിന്ഡിക്കേറ്റ് പ്രതിനിധിയായി ഹൈബി ഈഡന് എം.എല്.എ, ചീഫ് സെക്രട്ടറി, യു.ജി.സി. അംഗം എന്നിവരെ ഉള്പ്പെടുത്തിയ കമ്മിറ്റി മുമ്പു രൂപീകരിച്ചിരുന്നു. പാര്ലമെന്റ് തെരഞ്ഞെടുപ്പ് വന്നതോടെ കമ്മിറ്റിക്ക് യോഗം ചേരാനായില്ല. കാലാവധി അവസാനിച്ചതോടെ യു.ജി.സി. അംഗം കമ്മിറ്റിയില്നിന്ന് പിന്മാറി. നേരത്തെ സിന്ഡിക്കേറ്റ് പ്രതിനിധിയായി മത്സരിക്കാന് സണ്ണി ആലപ്പാട്ടും ഹൈബി ഈഡനും പത്രിക നല്കുകയും ഹൈബിയുടെ പത്രിക തള്ളുകയും ചെയ്തിരുന്നു. എന്നാല് പ്രോ വി.സി. പ്രത്യേക അധികാരത്തിലൂടെ ഈ പത്രിക സ്വീകരിക്കാന് ഉത്തരവിട്ടു. ഈ സാഹചര്യങ്ങളെല്ലാമാണ് സംഘര്ഷത്തിലേക്കു വഴിതെളിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha