കാന്സര് ചികിത്സാപദ്ധതിക്ക് പ്രതിമാസം 10 രൂപ ഈടാക്കും
സംസ്ഥാന സര്ക്കാര് നടപ്പിലാക്കുന്ന സുകൃതം സൗജന്യ കാന്സര് ചികിത്സാപദ്ധതി നടപ്പിലാക്കുന്നതിന് എല്ലാ മൊബൈല് ഫോണ് ഉപഭോക്താക്കളില്നിന്നും പ്രതിമാസം പത്ത് രൂപ വീതം ഈടാക്കുമെന്ന് മന്ത്രി വി.എസ്. ശിവകുമാര്. പാവപ്പെട്ട രോഗികളുടെ ചികിത്സയ്ക്കായി സ്വകാര്യപങ്കാളിത്തത്തോടെയാണ് ഈ പദ്ധതി നടപ്പിലാക്കുന്നതെന്നും ഇന്ത്യയില് ഇത്തരം പരിപാടി ആദ്യമാണെന്നും അദ്ദേഹം പറഞ്ഞു.
പറവൂര് താലൂക്ക് ആശുപത്രിയില് 2.25 കോടി മുടക്കി നിര്മിച്ച പുതിയ കെട്ടിടത്തിന്റെ ഉദ്ഘാടനവും ഓപ്പറേഷന് തിയറ്റര് കോംപ്ലക്സിന്റെ ശിലാസ്ഥാപനവും നിര്വഹിച്ചു പ്രസംഗിക്കുകയായിരുന്നു മന്ത്രി.
യുഡിഎഫ് സര്ക്കാര് വന്നതിനുശേഷം ആരോഗ്യവകുപ്പില് 4250 തസ്തികകള് സൃഷ്ടിച്ചിട്ടുണ്ട്. 31 താലൂക്കുകളിലും ആശുപത്രികളില് കാഷ്വാലിറ്റി തുടങ്ങും. ഇതില് പറവൂരിനേയും ഉള്പ്പെടുത്തിയിട്ടുണ്ട്. 250 പ്രൈമറി ഹെല്ത്ത് സെന്ററുകളില് ലബോറട്ടറികളും ആരംഭിക്കുമെന്ന് മന്ത്രി അറിയിച്ചു. ട്രോമാകെയര് സെന്ററുകള് 20 ആശുപത്രികളില് ആരംഭിക്കാന് നടപടികള് പൂര്ത്തിയായിട്ടുണ്ട്. താലൂക്കാശുപത്രികളില് ഡയാലിസിസ് സെന്ററുകളും ആരംഭിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha