പ്ലസ്ടു, ബാര് വിഷയത്തില് കോണ്ഗ്രസിനെ പ്രതിക്കൂട്ടിലാക്കി ലീഗ്
പ്ലസ്ടൂ വിഷയത്തില് കോണ്ഗ്രസിനെ പ്രതികൂട്ടിലാക്കാന് ലീഗ്. കോഴിക്കോട് നടന്ന മുസ്ലീം ലീഗ് ഭാരവാഹികളുടെ യോഗത്തിലാണ് കോണ്ഗ്രസ് മന്ത്രിമാരുടെ പിടിവാശി കാരണമാണ് ലീഗ് മന്ത്രിമാര്ക്ക് പ്ലസ്ടൂ കേസില് പഴികേള്ക്കേണ്ടി വന്നതെന്ന് ലീഗി നേതാക്കള് പരസ്യ പ്രസ്താവന നടത്തി. വിദ്യാഭ്യാസ മന്ത്രി അബ്ദുറബിനാണ് ഏറെ പരാതി. മന്ത്രിസഭാ ഉപസമിതിയുടെ നിര്ദ്ദേശാനുസരണമാണ് സ്കൂള് നല്കിയത്. മലബാറില് അനുവദിച്ചതുപോലെ മദ്യതിരുവിതാംകൂറിലും സ്കൂളുകള് അനുവദിച്ചിട്ടുണ്ട്. ഇത് ഉപസമിതി അംഗങ്ങളായ മന്ത്രിമാര് , പി.ജെ. ജോസഫും കെ. ബാബുവും നിര്ബന്ധിച്ചിട്ടായിരുന്നു. ഉപസമിതി അംഗങ്ങളുടെ ഇഷ്ടാനുസരണം സ്കൂള് അനുവദിക്കാതെ വന്നപ്പോള് അവര് ബഹളമുണ്ടാക്കി. പല തവണ ഉപസമിതി യോഗങ്ങള് മാറ്റിവച്ചു. എന്നിട്ടും താന് കുറ്റക്കാരനായി. കോടതിക്ക്് മുമ്പിലും മോശക്കാരനായി. ഫസല് ഗഫൂറിനെ പോലുള്ളവരെ കോണ്ഗ്രസുകാര് പിന്തുണച്ചു. കോടതിയില് കേസ് ഫയല് ചെയ്ത സ്കൂളുകള് സര്ക്കാരിന് പരാതി നല്കിയിരുന്നെങ്കില് ബാച്ച് അനുവദിക്കാമായിരുന്നു. അതു ചെയ്യാതെ വവിദ്യാഭ്യാസ വകുപ്പിനെ പ്രതികൂട്ടിലാക്കി. എന് .എസ്.എസിനും എസ്.എന് .ഡി.പിക്കും സ്കൂളും ബാച്ചും നല്കിയത് ഉമ്മന് ചാണ്ടിയാണ്. ആവശ്യാനുസരണം സ്കൂളുകള് വാങ്ങിയ ശേഷം ജി. സുകുമാരന് നായര് സര്ക്കാരിനെ പ്രതികൂട്ടിലാക്കി. പുതിയ ബാച്ചുകള് വേണ്ടെന്ന് കൈയടിക്കുവേണ്ടി മേനി പറഞ്ഞു. വെള്ളാപ്പള്ളി നടേശന് മാത്രമാണ് ഉണ്ടചോറിന് നന്ദി കാണിച്ചത്.
ഉമ്മന്ചാണ്ടിയൊഴികെയുള്ള കോണ്ഗ്രസ് മന്ത്രിമാരെയും നേതാക്കളെയും ലീഗ് നേതാക്കള് വലിച്ചുകീറി.
ലീഗിന് മുഖ്യമന്ത്രിയെ കുറിച്ചും പരാതിയുണ്ട്. ലീഗിന്റെ പ്രഖ്യാപിത നയമാണ് മദ്യനിരോധനം. സര്ക്കാര് ഘട്ടംഘട്ടമായി മദ്യനിരോധനം കൊണ്ടുവരാന് എടുത്ത തീരുമാനത്തിന്റെ മൈലേജ് മുഖ്യമന്ത്രി ഒറ്റയ്ക്ക് എടുത്തുവെന്നാണ് ലീഗിന്റെ പരാതി. ഇത്തരം സംഭവങ്ങള് ആവര്ത്തിക്കരുതെന്നും യോഗത്തില് വിമര്ശനം ഉയര്ന്നു.
തങ്ങളുടെ ദയയില് ഭരിക്കുന്ന ഉമ്മന് ചാണ്ടി സര്ക്കാര് പലപ്പോഴും തങ്ങളെ അവഗണിക്കുകയാണെന്നും ലീഗ് യോഗത്തില് പരാതിവന്നു. ഉമ്മന് ചാണ്ടിക്ക് തങ്ങള് അകമഴിഞ്ഞ പിന്തുണയാണ് നല്കുന്നത്.
മദ്യനയത്തില് മുഖ്യമന്ത്രിയെ വിമര്ശിക്കുന്ന മുഖപ്രസംഗം ചന്ദ്രിക എഴുതിയതും യോഗത്തില് ചര്ച്ചയായി. ഒരു വിഭാഗം നേതാക്കള് ഇത്തരമൊരു മുഖപ്രസംഗം എഴുതേണ്ടിയിരുന്നില്ലെന്ന്് പറഞ്ഞപ്പോള് ചന്ദ്രികയുടെ പ്രസംഗം സമയോചിതമായെന്ന അഭിപ്രായമാണ് യോഗത്തിലുണ്ടായത്. കോണ്ഗ്രസിനെ തല്ലിയും തലോടിയും മുന്നോട്ടു പോയാല് മതിയെന്നാണ് ലീഗിന്റെ തീരുമാനം. കോണ്ഗ്രസുകാര് പറയുന്നതാണ് ശരിയെന്ന തീരുമാനം നല്ലതല്ലെന്നും യോഗത്തില് അഭിപ്രായം ഉയര്ന്നു.
വരും ദിവസങ്ങളില് കോണ്ഗ്രസിനെതിരെയുള്ള ലീഗ് നേതാക്കളുടെ പ്രതികരണം ശക്തമാകുമെന്ന് സൂചനയുണ്ട്. ലീഗിന്റെ ശക്തി ലീഗ് മനസ്സിലാക്കത്തതാണ് പ്രധാന ദൗര്ബല്യമെന്ന അഭിപ്രായമാണ് ലീഗ് നേതാക്കള്ക്കുള്ളത്. മന്ത്രി പി.കെ. കുഞ്ഞാലിക്കുട്ടിയെയാണ് ഇ.ടി.മുഹമ്മദ് ബഷീര് പക്ഷത്തുള്ള നേതാക്കള് പ്രതിക്കൂട്ടില് നിര്ത്തുന്നത്. പി.കെ.കുഞ്ഞാലിക്കുട്ടി ഉമ്മന് ചാണ്ടിയുമായി അടുപ്പം പുലര്ത്തുന്ന നേതാവാണ്. ഇ.ടി യാണ് അദ്ദേഹത്തിന് പ്രധാന വെല്ലുവിളി ഉയര്ത്തുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha