സ്പിരിറ്റ് കടത്തുന്നവരെ ഗുണ്ടാനിയമത്തില് ഉള്പ്പെടുത്തുമെന്ന് രമേശ് ചെന്നിത്തല
മദ്യനയം നടപ്പിലാക്കാന് കര്മപദ്ധതിക്ക് രൂപം നല്കിയതായി ആഭ്യന്തരമന്ത്രി രമേശ് ചെന്നിത്തല. സ്പിരിറ്റ് കടത്തുന്നവരെ ഗുണ്ടാനിയമത്തില് ഉള്പ്പെടുത്താന് നിയമഭേദഗതി കൊണ്ടുവരും. മദ്യദുരന്തത്തിനുള്ള സാഹചര്യം തള്ളിക്കളയുന്നില്ലെന്നും ഇതിനെതിരെ ഫലപ്രദമായ മുന്കരുതലെടുക്കുമെന്നും അദ്ദേഹം പറഞ്ഞു.
പോലീസ് ഉദ്യോഗസ്ഥരില് ലഹരി ഉപയോഗിക്കുന്നവരെ കണ്ടെത്തി ചികില്സിക്കാനുളള ശ്രമങ്ങള് നടത്തും.
അന്യസംസ്ഥാനങ്ങളില് നിന്ന് സ്പിരിറ്റ് കേരളത്തില് കൊണ്ടു വന്ന് വില്പ്പന നടത്തുന്ന മാഫിയകളെ നിയന്ത്രിക്കാന് ശ്രമമുണ്ടാകും. കടല്മാര്ഗ്ഗം സ്പിരിറ്റ് കടത്തുന്നവരെ നിയന്ത്രിക്കാന് കോസ്റ്റല് പോലീസിനെയും, റെയില്മാര്ഗ്ഗമുളള സ്പിരിറ്റ്കടത്ത് തടയാന് റെയില്വേ പോലീസിനെയും ചുമതലപ്പെടുത്തും.
വ്യാജ സ്പിരിറ്റ് ലോബികള്ക്ക് രാഷ്ട്രീയ പിന്തുണ ലഭിക്കുന്നില്ലെന്ന് ഉറപ്പു വരുത്തും. ആവശ്യമെങ്കില് ഗുണ്ടാനിയമം അബ്കാരി നിയമം എന്നിവയില് ഭേദഗതി വരുത്തും. മദ്യനയം നടപ്പാക്കാന് ഡിജിറ്റല് സാങ്കേതിക വിദ്യയുടെ സാധ്യതകള് പ്രയോജനപ്പെടുത്തും.
സ്പിരറ്റ് കടത്തുമായി ബന്ധപ്പെട്ട ക്രിമിനല് കേസുകളുടെ വിചാരണ വേഗത്തിലാക്കും. കേരളത്തില് ഇനിയൊരു മദ്യദുരന്തം ഉണ്ടാകാതിരിക്കാന് കര്ശന നടപടി സ്വീകരിക്കും.
https://www.facebook.com/Malayalivartha