കരുണാകരനെ പിന്നില് നിന്ന് കുത്തിയവര് അറിയാന്... ആ ശീലം തനിക്കില്ല, തെറ്റു കണ്ടാല് ഇനിയും വെട്ടിത്തുറന്ന് പറയും
തന്നെ വിമര്ശിച്ച കോണ്ഗ്രസ് നേതാക്കള്ക്ക് ചുട്ട മറുപടിയുമായി കെപിസിസി പ്രസിഡന്റ് വി.എം സുധീരന്. പിന്നില് നിന്നും കുത്തുന്ന ശീലം തനിക്കില്ലെന്ന് സുധീരന് പറഞ്ഞു. തെറ്റുകണ്ടാല് വെട്ടിത്തുറന്ന് പറയുന്നത് തന്റെ ശൈലിയാണ്. തെറ്റു കണ്ടാല് ഇനിയും പറയും. കെ. കരുണാകരനെ പിന്നില് നിന്നും കുത്തിയത് പാര്ട്ടിയിലെ പ്രധാനികളാണെന്നും സുധീരന് തുറന്നടിച്ചു.
എ.ജിയെ വിമര്ശിക്കുന്നത് സര്ക്കാരിനുള്ള വിമര്ശനമല്ലെന്നും ഇത്തരത്തിലൊരു പരാതി ചെന്നിത്തലയ്ക്ക് ഉണ്ടായിരുന്നുവെങ്കില് എന്തുകൊണ്ട് അക്കാര്യം തന്നോട് നേരിട്ട് പറഞ്ഞില്ലെന്നും സുധീരന് കുറ്റപ്പെടുത്തി. സംസ്ഥാന സര്ക്കാരിന്റെ മദ്യനയവുമായി ബന്ധപ്പെട്ട് ഹൈക്കമാന്റിന്റെ അതൃപ്തി ഭാവനാസൃഷടിയാണെന്നും സര്ക്കാരിന്റെ മദ്യനയം സംബന്ധിച്ച് പ്രകോപനം സൃഷ്ടിച്ചത് കെ.ബാബുവാണെന്നും സുധീരന് കൂട്ടിച്ചേര്ത്തു.
മുഖ്യമന്ത്രി ഉമ്മന്ചാണ്ടിക്കെതിരായ കെപിസിസി പ്രസിഡന്റ് വി.എം സുധീരന്റെ പരാമര്ശം ഒഴിവാക്കാമായിരുന്നുവെന്ന് ആഭ്യന്തരമന്ത്രി രമേശ് ചെന്നിത്തല ഇന്നലെ പറഞ്ഞിരുന്നു. താന് കെപിസിസി പ്രസിഡന്റായിരുന്നപ്പോള് സര്ക്കാരിന്റെ പ്രവര്ത്തനങ്ങളില് ഇടപെടുമായിരുന്നില്ലെന്നും ചെന്നിത്തല പറഞ്ഞിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha