ഓണം ആഘോഷിക്കാന് ബോണസും ഉത്സവ ബത്തയും ഫെസ്റ്റിവല് അഡ്വാന്സും
ഓണം പ്രമാണിച്ചു സര്ക്കാര് ജീവനക്കാര്ക്കും അധ്യാപകര്ക്കും 3500 രൂപ ബോണസ് അനുവദിച്ചു. ഉത്സവ ബത്തയായി 2,200 രൂപയും ഫെസ്റ്റിവല് അഡ്വാന്സായി 10,000 രൂപയും നല്കാന് സര്ക്കാര് തീരുമാനമായി. അടിസ്ഥാന ശമ്പളവും ഡിഎയും ചേര്ത്ത് 18,150 രൂപ വരെ ശമ്പളമുള്ളവര്ക്കാണു ബോണസിന് അര്ഹത. ഇതിനു മുകളില് ശമ്പളം വാങ്ങുന്നവര്ക്കു 2,200 രൂപ ഉത്സവബത്ത ലഭിക്കും. ഓഗസ്റ്റിലെ ശമ്പളത്തോടൊപ്പം ബോണസ്, ഉത്സവബത്ത, അഡ്വാന്സ് എന്നിവ നല്കും.
ബോണസിന് അര്ഹതയുള്ള സര്ക്കാര് ജീവനക്കാരുടെ വരുമാനപരിധി 16,050 രൂപയില് നിന്ന് 18,150 രൂപയാക്കി ഉയര്ത്തി ഉത്തരവു പുറപ്പെടുവിച്ചതായി ധനമന്ത്രി കെ.എം. മാണി അറിയിച്ചു. സര്വീസ് പെന്ഷന്കാര്ക്ക് 670 രൂപയുടെ പ്രത്യേക അലവന്സ് ലഭിക്കും. കുടുംബ പെന്ഷന്കാര്ക്ക് 550 രൂപ മാത്രമാകും ലഭിക്കുക. കഴിഞ്ഞ മാര്ച്ച് 31നു സര്വീസിലുള്ള ആറു മാസമെങ്കിലും ജോലി ചെയ്തവര്ക്കു ബോണസിന് അര്ഹതയുണ്ടാകും.
ബോണസിന് അര്ഹതയില്ലാത്ത മറ്റുവിഭാഗങ്ങള്ക്കും പാര്ട്ട് ടൈം കണ്ടിന്ജന്സി ജീവനക്കാര്ക്കും കഴിഞ്ഞവര്ഷത്തെ അതേ നിരക്കില് ഉത്സവ ബത്ത ലഭിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha