ചായക്കോപ്പയിലെ കൊടുങ്കാറ്റ്… പരാതി കേള്ക്കാന് വന്ന ആന്റണി ഉമ്മന് ചാണ്ടിയുടെ സങ്കടം കേട്ടു; താന് മദ്യലോബിയുടെ ആളോ?
ബാര് പ്രശ്നത്തില് തന്നെ മദ്യലോബിയുടെ ആളായി ചിത്രീകരിക്കുവാന് ശ്രമം നടന്നതായി ഉമ്മന് ചാണ്ടിയുടെ പരാതി. ബാറില് പാര്ട്ടിയും സര്ക്കാരും തമ്മില് നടക്കുന്ന വിവാദങ്ങള് അവസാനിപ്പിക്കാന് എത്തിയ ആന്റണിക്കു മുന്നിലാണ് ഉമ്മന് ചാണ്ടി പരാതി പറഞ്ഞത്.
പാര്ട്ടി, സര്ക്കാര് ഏകോപനം പാളിയെന്നും പാര്ട്ടിയില് നിന്ന് പിന്തുണ ലഭിക്കുന്നില്ലെന്നും ഉമ്മന് ചാണ്ടി പറഞ്ഞു. ബാര് പ്രശ്നത്തില് സാമുദായിക നേതാക്കളെ സര്ക്കാരിനെതിരായി തിരിച്ചുവിട്ടുവെന്ന ഗുരുതര ആരോപണവും ഉന്നയിച്ചു.
ബാര് പ്രശ്നത്തില് ഉടലെടുത്തിരിക്കുന്ന തര്ക്കങ്ങള് ഇവിടെത്തന്നെ പരിഹരിക്കണമെന്ന ഹൈക്കമാന്ഡ് നിര്ദേശം ആന്റണി ഉമ്മന് ചാണ്ടിയെ അറിയിച്ചു. പാര്ട്ടിയും സര്ക്കാരും തമ്മില് ഐക്യം വേണമെന്ന് ആന്റണി നിര്ദേശിച്ചു. കെപിസിസിയും സര്ക്കാരും തമ്മിലുള്ള തര്ക്കങ്ങള് എത്രയും വേഗം പരിഹരിക്കണമെന്നും മദ്യനയത്തില് സമവായത്തില് എത്തണമെന്നും ആന്റണി ആവശ്യപ്പെട്ടു
അതേസമയം കേരളത്തിലെ കോണ്ഗ്രസിലെ പ്രശ്നങ്ങള് ചായകോപ്പയിലെ കൊടുങ്കാറ്റാണെന്ന് എ.കെ ആന്റണി. കോണ്ഗ്രസിന്റെ ശത്രുക്കള് പ്രതീക്ഷിക്കുന്നതുപോലെ സങ്കീര്ണമായ പൊട്ടിത്തെറി ഉണ്ടാകാന് പോകുന്നില്ല.
പ്രശ്നങ്ങളെല്ലാം പരിഹരിച്ചുകൊണ്ടിരിക്കുകയാണ്. ഉടന് തന്നെ ഈ പ്രശ്നത്തില് പരിഹാരം ഉണ്ടാകുമെന്നും അദ്ദേഹം പറഞ്ഞു. മദ്യനയത്തിലെ ക്രെഡിറ്റ് കേരളത്തിലെ ജനങ്ങള്ക്കാണെന്നും ആന്റണി അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha