സൂര്യനെല്ലി കേസിലെ 31 പ്രതികള്ക്കും ഉപാധികളോടെ ജാമ്യം
സൂര്യനെല്ലി കേസിലെ പ്രതികള്ക്ക് ജാമ്യം. ഉപാധികളോടെ ഹൈക്കോടതിയാണ് ജാമ്യം അനുവദിച്ചത്.ധര്മരാജന് ഒഴികേയുള്ള പ്രതികള്ക്കാണ് ജാമ്യം അനുവദിച്ചത്.50000 രൂപയും രണ്ട് പേരുടെ ആള് ജാമ്യവുമാണ് ഉപാധികള്. പീഡനത്തിനിരയായ പെണ്കുട്ടിക്കോ അവരുടെ കുടുംബത്തിനോ ബുദ്ധിമുട്ടുണ്ടാക്കുന്ന യാതൊരു പ്രവര്ത്തനങ്ങളും നടത്തരുതെന്നും കോടതി നിര്ദേശിച്ചിട്ടുണ്ട്. ഇവര്ക്ക് കോട്ടയം കോടതി വിധിച്ച ശിക്ഷ നടപ്പാക്കുന്നതും കോടതി താല്ക്കാലികമായി തടഞ്ഞു. സുപ്രീംകോടതി ഉത്തരവ് പ്രകാരമാണ് ഹൈക്കോടതി കേസ് വീണ്ടും പരിഗണിക്കുന്നത്. പ്രതികള് കോടതിയില് കീഴടങ്ങിയ ശേഷം മാത്രമേ ജാമ്യം അനുവദിക്കുന്ന കാര്യം പരിഗണിക്കാവൂ എന്നായിരുന്നു സംസ്ഥാന സര്ക്കാരിന്റെ നിലപാട്. എന്നാല് ഈ ഘട്ടത്തില് പ്രതികള് കീഴടങ്ങണമെന്ന് നിര്ദേശിക്കാനാകില്ലെന്ന് കോടതി വ്യക്തമാക്കി.
https://www.facebook.com/Malayalivartha