ബാറുകള് പൂട്ടിയത് മോശമാണെന്ന് പറഞ്ഞവര് അറിയുക; വീടിനുള്ളിലെ കലാപങ്ങളില് 41% മദ്യാസക്തി കാരണം
ബാറുകള് പൂട്ടിയതിനെതിരെ സംസ്ഥാന മന്ത്രിസഭയില് പോലും ഭിന്നതകള് നിലനില്ക്കെ സംസ്ഥാനത്ത് കുടുംബാന്തരീക്ഷത്തില് നടക്കുന്ന അക്രമങ്ങളില് 41% കുറ്റ കൃത്യങ്ങളും മദ്യത്തിന്റെ അമിതോപയോഗം കാരണമാണെന്ന് കുടുംബശ്രീയുടെ കണ്ടെത്തല്. മദ്യത്തിന്റെ ലഹരിയിലാണ് കേരളത്തിലെ പുരുഷന്മാര് കുറ്റകൃത്യങ്ങളില് ഏര്പ്പെടുന്നതെന്നും കുടുംബശ്രീ കണ്ടെത്തി. 72 പഞ്ചായത്തുകളില് നടത്തിയ സര്വേയിലാണ് ഇക്കാര്യങ്ങള് കണ്ടെത്തിയത്. അതേസമയം ബാറുകള് പൂട്ടുമെന്ന് മുന്നറിയിപ്പ് വന്നതോടെ കേരളത്തിലെ മെഡിക്കല് സ്റ്റോറുകളില് മയക്കുമരുന്ന് ഗുളികകളുടെ വില്പന സജീവമായി. ഒപ്പം ആയുര്വേദ ക്ലിനിക്കുകളിലും അരിഷ്ടവില്പനയും തകൃതി. ചില പ്രത്യേകതരം രോഗങ്ങള്ക്ക് ഡോക്ടറുടെ കുറിപ്പടിയോടുകൂടി മാത്രം നല്കുന്ന ഗുളികകളാണ് ഒരു കുറിപ്പടിയുമില്ലാതെ മെഡിക്കല് സ്റ്റോറുകളില് സുലഭമായിരിക്കുന്നത്. മയക്കുന്ന ഗുളികകള്ക്കൊപ്പം മെഡിക്കല് സ്റ്റോറുകളില് നിന്നും കുത്തിവയ്പുകളും ലഭിക്കും.
സ്ത്രീകള്ക്കെതിരെ നടക്കുന്ന അതിക്രമങ്ങളില് അധികവും നഗരപ്രദേശങ്ങളിലാണെന്നും പഠനം വ്യക്തമാക്കുന്നു. അതും അതിരാവിലെയും വൈകുന്നേരങ്ങളിലും. ഗ്രാമപ്രഗദേശങ്ങളില് അക്രമങ്ങള് കുറഞ്ഞു വരുന്നു. നഗരപ്രദേശങ്ങളിലെ അക്രമങ്ങള്ക്ക് നേതൃത്വം നല്കുന്നവരില് അധികം പേരും മദ്യവും മയക്കുമരുന്നും സ്ഥിരമായി ഉപയോഗിക്കുന്നവരാണ്. 54,062 കുറ്റ കൃത്യങ്ങളാണ് പഠനവിധേയമാക്കിയത്. ഇതില് 836 എണ്ണം ബലാല്സംഗമായിരുന്നു.
കുടുംബത്തിനുള്ളിലെ വയലന്സ് വര്ദ്ധിച്ചുവരികയാണെന്നും പഠനത്തില് പറയുന്നു. സ്ത്രീകള്ക്ക് കുടുംബത്തിലുണ്ടാകുന്ന പ്രശ്നങ്ങള് കൈകാര്യം ചെയ്യാന് കഴിയുന്നില്ല. നിശബ്ദമായി സഹിക്കുകയാണ് അധികം പേരും. മദ്യത്തിന്റെ ഉപയോഗം പുരുഷന്മാരുടെ സ്ഥിരബുദ്ധി തകര്ക്കുമെന്നാണ് കുടുംബശ്രീയുടെ കണ്ടെത്തല്. ശരിയായ ബോധത്തിലെത്തുമ്പോള് ഇവര്ക്ക് തങ്ങള് ചെയ്തതെന്താണെന്നു പോലും ഓര്മ്മ കാണില്ല. ബോധം നശിക്കുന്നവര് ഭാര്യയെ ക്രൂരമായി ബലാല്സംഗം ചെയ്യാറുണ്ടെന്നും പഠനങ്ങളില് പറയുന്നു. മദ്യപിച്ച് വീട്ടിലെത്തുന്ന പുരുഷന്റെ ആദ്യയിര ഭാര്യയും കുട്ടികളുമാണെന്നാണ് പഠനത്തില് നിന്നും മനസിലാവുന്നത്. അക്രമങ്ങളില് അധികവും നടക്കുന്നത് വിദ്യാഭ്യാസ സാമൂഹ്യ നിലവാരം കുറഞ്ഞ കുടുംബങ്ങളിലാണ്.
മദ്യം നിരോധിച്ചതു കൊണ്ടു മാത്രം കാര്യമില്ലെന്നും ചില വീട്ടമ്മമാര് പറയുന്നു. മയങ്ങാനുള്ള മറ്റ് വഴികള് സമൂഹത്തില് സുലഭമാണെന്നിരിക്കെ മദ്യം മാത്രം നിരോധിച്ചതു കൊണ്ട് എന്തു കാര്യം എന്നാണ് ചോദ്യം. മദ്യത്തിനേക്കാള് അപകടകാരികളായ സാധനങ്ങളാണ് കേരളത്തില് കൈയെത്തും ദൂരത്ത് ലഭ്യമാകുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha