ടൈറ്റാനിയം അഴിമതിക്കേസില്‍ പുനരന്വേഷണം നടത്താന്‍ തിരുവനന്തപുരം വിജിലന്‍സ്‌ കോടതി ഉത്തരവിട്ടു. നിര്‍മാണ പ്രവര്‍ത്തനങ്ങളില്‍ അഴിമതിയില്ലെന്ന വിജിലന്‍സ്‌ റിപ്പോര്‍ട്ട്‌ തള്ളിക്കൊണ്ടാണ്‌ കോടതി ഉത്തരവിട്ടത്‌. മുഖ്യമന്ത്രി ഉമ്മന്‍ ചാണ്ടിയുടെയും ആഭ്യന്തരമന്ത്രി രമേശ്‌ ചെന്നിത്തലയുടെയും പങ്ക്‌ അന്വേഷിക്കണമെന്നായിരുന്നു ഹര്‍ജിയിലെ ആവശ്യം.

എന്നാല്‍ മുഖ്യമന്ത്രി ഉമ്മന്‍ചാണ്ടിക്കും ആഭ്യന്തരമന്ത്രി രമേശ്‌ ചെന്നിത്തലയ്‌ക്കും പങ്കില്ലെന്നാണ്‌ വിജിലന്‍സ്‌ നല്‍കിയ റിപ്പോര്‍ട്ട്‌. എന്നാല്‍ ഈ റിപ്പോര്‍ട്ട്‌ തള്ളിയാണ്‌ കോടതി പുനരന്വേഷണത്തിന്‌ ഉത്തരവിട്ടത്‌. പുനരന്വേഷണ റിപ്പോര്‍ട്ട്‌ നാലുമാസത്തിനകം സമര്‍പ്പിക്കണമെന്നും കോടതി ആവശ്യപ്പെട്ടു.
ടൈറ്റാനിയത്തില്‍ മാലിന്യ നിര്‍മാര്‍ജന പ്ലാന്റ്‌ സ്ഥാപിക്കുന്നതില്‍ അഴിമതി നടന്നതായി ആരോപിച്ച്‌ 2003 ല്‍ ആണ്‌ മുന്‍ ജീവനക്കാര്‍ കോടതിയെ സമീപിച്ചത്‌. 2002 ല്‍ യുഡിഎഫ്‌ ഭരണകാലയളവിലാണ്‌ മലിനീകരണ പ്ലാന്റ്‌ സ്ഥാപിക്കുന്നതിന്‌ 108 കോടി രൂപയുടെ പദ്ധതിക്ക്‌ സര്‍ക്കാര്‍ അനുമതി നല്‍കി ഉത്തരവിറക്കിയത്‌. ഈ പദ്ധതി അട്ടിമറിച്ച്‌ മെക്കോണ്‍ എന്ന മറ്റൊരു കമ്പനിയെക്കൊണ്‌ട്‌ പുതിയ നിര്‍ദേശമുണ്ടാക്കി 108 കോടിക്ക്‌ പകരം 256 കോടി രൂപയുടെ പദ്ധതി കൊണ്ടുവരികയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha