ആസിഫലിയോട് കളിച്ചാല് കളി പഠിപ്പിക്കും
ആസിഫലിയോട് കളിച്ചാല് കളി പഠിപ്പിക്കും. അദ്ദേഹത്തിന്റെ ചിത്രങ്ങള് തുടരെ തുടരെ പരാജയപ്പെടുന്നു എന്ന ആരോപണത്തിന്റെ പശ്ചാത്തലത്തിലാണ് ആസിഫലി തന്റെ സിനിമകളെ മനപൂര്വ്വം പരാജയപ്പെടുത്താന് തീരുമാനിച്ചവര്ക്കെതിരെ രംഗത്തിറങ്ങുന്നത്. ഹി ഐയാം ടോണി എന്ന ചിത്രം മോശമാണെന്ന് ഫേസ്ബുക്ക് പോസ്റ്റിംഗ് നടത്തിയതിന് രണ്ടു പെണ്കുട്ടികളെ ആസിഫിന്റെ ഫാന്സ് കൈകാര്യം ചെയ്തിരുന്നു. ഏതായാലും താന് ഇത്തരം കാര്യങ്ങളൊന്നും അന്വേഷിക്കാറില്ലെന്ന് ആസിഫ് അലി അറിയിച്ചു. സിനിമ പരാജയപ്പെടുത്താനുള്ള ശ്രമങ്ങള് സജീവമായി നടക്കുകയാണെന്നാണ് ആസിഫിന്റെ പരാതി.
ബൈസിക്കിള് തീവ്സ് പുറത്തിറങ്ങിയ സമയത്ത് ഒരു ചാനല് നിരൂപകന് ചിത്രത്തിനെതിരെ രംഗത്തു വന്നപ്പോള് ആസിഫ് അലി അദ്ദേഹത്തെ ഫോണില് വിളിച്ച് സംസാരിച്ചിരുന്നു. ചാനല് നിരൂപകന്റെ നിരൂപണത്തിനുശേഷം സിനിമ കാണുന്നവരുടെ എണ്ണം കുറഞ്ഞതായും ആസിഫ് അലി ആരോപിക്കുന്നു.
ഇനി സിനിമകള് തിരഞ്ഞെടുക്കുമ്പോള് ശ്രദ്ധിക്കുമെന്നാണ് ആസിഫ് പറയുന്നത്. ഇപ്പോള് അഭിനയിക്കുന്ന ചിത്രങ്ങള് തനിക്ക് വേണ്ടത്ര ഗുണം ചെയ്യുന്നില്ലെന്നാണ് ആസിഫ് അലിയുടെ അഭിപ്രായം. തന്റെ കരിയറിന് ഗുണം ചെയ്യുന്ന തരത്തിലുള്ള സിനിമകള് മാത്രമേ താന് തിരഞ്ഞെടുക്കുകയുള്ളൂവെന്നും ആസിഫ് അലി പറയുന്നു.
സിനിമകളും സിനിമാ സംബന്ധിയായ പരിപാടികള് അവതരിപ്പിക്കുന്ന മാധ്യമങ്ങളും തമ്മില് പരസ്പര സഹകരണവും ബഹുമാനവും ആവശ്യമാണെന്നാണ് ആസിഫ് അലിയുടെ അഭിപ്രായം. സിനിമാ നിരൂപണമെന്ന പേരില് ചാനലുകളില് വരുന്ന നിരൂപണങ്ങളില് പലതും യോഗ്യതയില്ലാത്തവര് നടത്തുന്നതാണെന്നും ആസിഫ് അലി ആരോപിക്കുന്നു. അതേസമയം അര്ഹരായവര് നടത്തുന്ന നിരൂപണങ്ങളെ ആദരിക്കണമെന്നും ആസിഫ് അലി പറയുന്നു.
സോഷ്യല് നെറ്റ് വര്ക്ക് വഴിയുള്ള സിനിമാ നിരൂപണം നിരോധിക്കണമെന്ന് ആസിഫ് അലി പറയുന്നുണ്ടെങ്കിലും നിയന്ത്രിക്കണമെന്ന് അഭിപ്രായമുണ്ട്. സിനിമയെ വിമര്ശിക്കുമ്പോള് നിലവാരം പുലര്ത്തണമെന്നും ആസിഫ് പറയുന്നു. ഇല്ലെങ്കില് കോടികള് മുടക്കി നിര്മ്മിക്കുന്ന ഒരു ചിത്രം പടക്കം പൊട്ടുന്നതു പോലെ പൊട്ടും. ഇങ്ങനെ സംഭവിക്കുന്നത് ആലോചിക്കാന് പോലും കഴിയുന്നില്ലെന്നും ആസിഫ് അലി പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha