അടിയന്തിര പ്രമേയത്തിന് അനുമതി ലഭിച്ചില്ല: പ്രതിപക്ഷം നിയമസഭയില് നിന്ന് ഇറങ്ങിപ്പോയി
എസ്.എഫ്.ഐ മാര്ച്ചിന് നേരെയുണ്ടായ പോലീസ് അക്രമണത്തില് പ്രതിപക്ഷം കൊണ്ടുവന്ന അടിയന്തിര പ്രമേയത്തിന് നിയമസഭയില് അനുമതി നിഷേധിച്ചു. തുടര്ന്ന് പ്രതിപക്ഷം സഭയില് നിന്ന് ഇറങ്ങിപ്പോയി. പോലീസിന്റെ നരനായാട്ടാണ് ഇന്നലെ അരങ്ങേറിയതെന്ന് പ്രമേയത്തിന് അനുമതി നേടിക്കൊണ്ട് ഇ.പി.ജയരാജന് പറഞ്ഞു. കണ്ണൂര് സര്വകലാശാലയിലെ ഫീസ് വര്ദ്ധനവില് പ്രതിഷേധിച്ചായിരുന്നു ഇന്നലെ എസ്.എഫ്.ഐ മാര്ച്ച് നടത്തിയത്.
വിദ്യാര്ത്ഥികളുടെ ഭാഗത്ത് നിന്ന് പ്രകോപനപരമായ നീക്കങ്ങള് ഉണ്ടായതുകൊണ്ടാണ് പോലീസ് ലാത്തിവീശിയതെന്ന് ആഭ്യന്തരമന്ത്രി തിരുവഞ്ചൂര് രാധാകൃഷ്ണന് അറിയിച്ചു. സംഭവത്തില് പതിനാറോളം പോലീസുകാര്ക്ക് പരിക്കേറ്റെന്നും അദ്ദേഹം കൂട്ടിച്ചേര്ത്തു.
https://www.facebook.com/Malayalivartha