സര്‍ക്കാര്‍ ജീവനക്കാരുടെ 1960ലെ സര്‍ക്കാര്‍ പെരുമാറ്റച്ചട്ടത്തിന്റെ 40-ാം വകുപ്പില്‍ പുതിയ ഭേദഗതി വരുത്തി. സര്‍ക്കാര്‍ ജീവനക്കാര്‍ സംഘടനകള്‍ക്ക്‌ വേണ്ടിയോ ട്രസ്‌റ്റുകള്‍ക്ക്‌ വേണ്ടിയോ ജീവനക്കാര്‍ പിരിവ്‌ നടത്തരുതെന്നും ഭേദഗതി വരുത്തിയ ജീവനക്കാരുടെ പെരുമാറ്റച്ചട്ടത്തില്‍ പറയുന്നു. മത-സാമുദായിക സംഘടനകളിലോ, ട്രസ്‌റ്റുകളിലോ, ജീവകാരുണ്യ സംഘടനകളിലോ അംഗമാണെങ്കില്‍ അത്‌ സര്‍ക്കാരിനെ അറിയിക്കണം. ആവശ്യപ്പെടുന്നതനുസരിച്ച്‌ അംഗത്വവും ഭാരവാഹിത്വവും രാജിവെക്കണമെന്നും പെരുമാറ്റചട്ടത്തില്‍ പറയുന്നു.
നിലവിലുള്ള നിയമത്തില്‍ പരമിധികളുണ്ടെന്ന തിരിച്ചറിവാണ്‌ ഭേദഗതിയിലേക്ക്‌ എത്തിച്ചത്‌. 1960ലെ സര്‍ക്കാര്‍ പെരുമാറ്റച്ചട്ടത്തിന്റെ 40ാം വകുപ്പിലാണ്‌ ഉദ്യോഗസ്‌ഥര്‍ രാഷ്‌ട്രീയ പാര്‍ട്ടികളില്‍ പ്രവര്‍ത്തിക്കുന്നതിനു വിലക്കേര്‍പ്പെടുത്തിയിരുന്നത്‌. ഉപ വകുപ്പ്‌ 61, 67, 71 പ്രകാരം രാഷ്‌ട്രീയ പാര്‍ട്ടിയില്‍ അംഗമാകാനോ സഹായിക്കാനോ പാടില്ല. സര്‍ക്കാര്‍ അനുമതിയില്ലാതെ പൊതുജനങ്ങളില്‍നിന്നു പണമോ മറ്റു ധനസഹായങ്ങളോ കൈപ്പറ്റാന്‍ പാടില്ലെന്നും പ്രത്യേകം പറഞ്ഞിട്ടുണ്ട്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha