സുപ്രീം കോടതി മുന്‍ ചീഫ്‌ ജസ്റ്റീസ്‌ പി. സദാശിവം കേരളാ ഗവര്‍ണറാകും; മുന്‍ ചീഫ്‌ ജസ്റ്റീസ്‌ ഗവര്‍ണറാകുന്നത്‌ ഇതാദ്യം
30 AUGUST 2014 09:24 PM IST
മലയാളി വാര്‍ത്ത.
സുപ്രീം കോടതി മുന്‍ ചീഫ്‌ ജസ്റ്റീസ്‌ പി. സദാശിവം കേരളാ ഗവര്‍ണറാകും. കേന്ദ്ര സര്‍ക്കാര്‍ ഇതു സംബന്ധിച്ച തീരുമാനമെടുത്തു. ഷീല ദീക്ഷിത്‌ രാജിവെച്ച ഒഴിവിലേക്കാണ്‌ ജസ്റ്റീസ്‌ സദാശിവത്തെ നിയമിക്കുന്നത്‌.
സദാശിവത്തിന്റെ നിയമനം സംബന്ധിച്ച തീരുമാനം കേന്ദ്ര ആഭ്യന്തര മന്ത്രാലയം രാഷ്‌ട്രപതിക്ക്‌ കൈമാറി. ഉടന്‍ തന്നെ ജസ്റ്റീസ്‌ സദാശിവത്തെ ഗവര്‍ണറായി നിയമിച്ചുകൊണ്ടുള്ള ഉത്തരവ്‌ രാഷ്‌ട്രപതി പുറപ്പെടുവിക്കും. ഇതാദ്യമായാണ്‌ ഒരു മുന്‍ ചീഫ്‌ ജസ്റ്റീസ്‌ ഗവര്‍ണറാകുന്നത്‌.
തമിഴ്‌നാട്‌ ഈറോഡ്‌ ഭവാനി കടപ്പനല്ലൂര്‍ സ്വദേശിയാണ്‌ സദാശിവം. മദ്രാസ്‌, പഞ്ചാബ്‌ ഹരിയാനാ ഹൈക്കോടതികളില്‍ ചീഫ്‌ ജസ്റ്റീസായി പ്രവര്‍ത്തിച്ച സദാശിവം 2007 ല്‍ സുപ്രീം കോടതി ജഡ്‌ജിയായി. 2013 ജൂലൈ 19 മുതല്‍ 2014 ഏപ്രില്‍ 26 വരെ സുപ്രീം കോടതി ചീഫ്‌ ജസ്റ്റീസ്‌ പദവി വഹിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
