ബാറുകള്‍ പൂട്ടുന്നു, സംസ്ഥാനം സാമ്പത്തിക പ്രതിസന്ധിയിലെന്ന് രമേശ് ചെന്നിത്തല
ബാറുകള്‍ പൂട്ടുന്നതുകൊണ്ട് സംസ്ഥാനം സാമ്പത്തിക പ്രതിസന്ധി നേരിടുന്നുണ്ടെന്നു മന്ത്രി രമേശ് ചെന്നിത്തല. ആലപ്പുഴ മണ്ണഞ്ചേരി പോലീസ് സ്‌റ്റേഷന്‍ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. സാമ്പത്തിക പ്രതിസന്ധി തരണംചെയ്യാതെ പോലീസില്‍ പുതിയ തസ്തികകള്‍ സൃഷ്ടിക്കാന്‍ കഴിയില്ല. സംസ്ഥാനത്തു പോലീസ് യൂണിവേഴ്‌സിറ്റി സ്ഥാപിക്കും. ഇതിനുള്ള ബില്ല് തയ്യാറായി കഴിഞ്ഞു. ടി.പി. ശ്രീനിവാസന്‍ കോഴ്‌സ് ചുമതല വഹിക്കും.
ഇപ്പോള്‍ സ്റ്റുഡന്റ്‌സ് പോലീസ് കെഡറ്റ് ആയി പ്രവര്‍ത്തിക്കുന്ന കുട്ടികള്‍ക്ക് പോലീസ് യൂണിവേഴ്‌സിറ്റിയില്‍ പഠിക്കാന്‍ അവസരം നല്‍കും. സ്റ്റുഡന്റ്‌സ് പോലീസ് കെഡറ്റിനു പുതിയ ഡയറക്ടറേറ്റ് സ്ഥാപിക്കാന്‍ സര്‍ക്കാര്‍ ആലോചിക്കുന്നുണ്ട്. വനിതാ പോലീസിന്റെ എണ്ണം ഓരോ വര്‍ഷവും 10 ശതമാനം വീതം വര്‍ധിപ്പിക്കും - ചെന്നിത്തല പറഞ്ഞു. ആലപ്പുഴ മണ്ണഞ്ചേരി പോലീസ് സ്‌റ്റേഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
https://www.facebook.com/Malayalivartha
