അഭിപ്രായം ചോദിച്ചിരുന്നെങ്കില്… പി. സദാശിവത്തെ ഗവര്ണര് ആക്കുന്നതിനെതിരെ മുഖ്യമന്ത്രിയും; കേന്ദ്രം അഭിപ്രായം ചോദിച്ചാല് മറുപടി പറയും
സുപ്രീം കോടതി മുന് ചീഫ് ജസ്റ്റീസിനെ കേരള ഗവര്ണറാക്കി നിയമിക്കുന്നതിനെതിരെ വ്യാപക ആക്ഷേപം. മുഖ്യമന്ത്രി ഉമ്മന് ചാണ്ടിയും ഇക്കാര്യത്തില് അതൃപ്തി അറിയിച്ചു. സാധാരണ നിലയില് ഗവര്ണര്മാരെ നിയമിക്കുന്നതിന് മുമ്പ് സംസ്ഥാനങ്ങളുടെ അഭിപ്രായം തേടാറുണ്ട്. എന്നാല് ഇക്കാര്യത്തെപ്പറ്റി ഇതുവരെ തന്റെ അഭിപ്രായം ചോദിച്ചിട്ടില്ലെന്ന് ഉമ്മന് ചാണ്ടി പറഞ്ഞു. കേന്ദ്രം ഇക്കാര്യത്തില് അഭിപ്രായം ചോദിക്കുമെന്നാണ് കരുതുന്നത്. ചോദിച്ചാല് മറുപടി പറയും.
ഗവര്ണറുടെ നിയമനത്തെച്ചൊല്ലി വിവാദം കത്തിപ്പടരുകയാണ്. സുപ്രീം കോടതി മുന് ചീഫ് ജസ്റ്റീസ് ആയിരുന്ന ആള് ഗവര്ണര് ആകുന്നതിനെതിരെ ഇന്ത്യന് ബാര് അസോസിയേഷനും രംഗത്തു വന്നു.
കഴിഞ്ഞ ദിവസം കെപിസിസി പ്രസിഡന്റ് വിഎം സുധീരനും ആഭ്യന്തര മന്ത്രി രമേശ് ചെന്നിത്തലയും സദാശിവത്തിനെതിരെ പ്രതികരിച്ചിരുന്നു. ബിജെപിയുടെ സംസ്ഥാന ഘടകവും ശക്തമായ പ്രതിഷേധം രേഖപ്പെടുത്തി.
രാഷ്ട്രപതിക്ക് സത്യവാചകം ചൊല്ലിക്കൊടുക്കുന്ന ആളാണ് സുപ്രീം കോടതി ചീഫ് ജസ്റ്റിസ്. ആ പദവിയിലിരുന്ന ഒരാളെ ഗവര്ണര് ആക്കുന്നത് ശരിയല്ലെന്നാണ് പരക്കെയുള്ള പ്രതികരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha