നീതിയിലും ഒരു മോഡി ടച്ച്… വധശിക്ഷയും ജീവപര്യന്തവും ഒഴികെ ശിക്ഷാ കാലാവധി പകുതി പൂര്ത്തിയാക്കിയവരെ വിട്ടയയ്ക്കാന് കേന്ദ്രം
ഇന്ത്യന് നീതിന്യായ വ്യവസ്ഥയില് പുതിയ മാറ്റത്തിന് തുടക്കം കുറിച്ച് മോഡി സര്ക്കാര്. ശിക്ഷാ കാലാവധി പകുതി പൂര്ത്തിയാക്കിയ വിചാരണ തടവുകാരെ വിട്ടയയ്ക്കാന് കേന്ദ്ര നീക്കം. വിവിധ കുറ്റ കൃത്യങ്ങളില്പ്പെട്ട വിചാരണ തടവുകാര് ശിക്ഷാ കാലാവധിയുടെ പകുതിയും അനുഭവിച്ചിട്ടുണ്ടെങ്കില് അത്തരക്കാരെയാണ് വിട്ടയയ്ക്കുന്നത്. എന്നാല് വധശിക്ഷയും ജീവപര്യന്തവും വിധിക്കപ്പെട്ടവര്ക്കോ കൊടും കുറ്റം ചെയ്തവര്ക്കോ ഈ ആനുകൂല്യം ലഭിക്കില്ല.
രാജ്യത്തെ ജയിലുകളില് ഇത്തരത്തിലുള്ള വിചാരണ തടവുകാരുടെ എണ്ണം ശേഖരിക്കുകയാണ് കേന്ദ്ര ആഭ്യന്തര മന്ത്രാലയം. രാജ്യത്തെ 3.81 ലക്ഷം തടവുകാരില് 2.54 ലക്ഷം പേരും വിചാരണ തടവുകാരാണെന്നാണ് കണക്ക്. ഇവരില് പലരും ചെയ്ത കുറ്റത്തിന് ലഭിക്കേണ്ട ശിക്ഷയേക്കാള് കൂടുതല് ജയില് തടവ് അനുഭവിച്ചിട്ടുണ്ട്.
സിആര്പിസി 436 എ പ്രകാരം, കുറ്റം ചെയ്തയാള്ക്ക് ലഭിക്കാവുന്ന പരമാവധി ശിക്ഷയുടെ പകുതി വിചാരണ വേളയില് അനുഭവിച്ചാല് അയാളെ വ്യക്തിപരമായ ബോണ്ടില്മേല് മോചിപ്പിക്കാം എന്നാണ് പറയുന്നത്.
കേന്ദ്ര ആഭ്യന്തര വകുപ്പും നിയമ വകുപ്പും സംയുക്തമായാണ് ഇത്തരത്തിലുള്ള സുപ്രധാന തീരുമാനമെടുക്കുന്നത്. തടവുകാരെ മോചിപ്പിക്കുന്നതിന് നിയമ തടസമില്ലെന്നാണ് നിയമ വകുപ്പ് ആഭ്യന്തര വകുപ്പിനെ അറിയിച്ചത്. ഇതിനായി സിആര്പിസിയില് നിയമ ഭേദഗതിയുടെ ആവശ്യമില്ലെന്നും നിയമ വകുപ്പ് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha