കേരളത്തില്‍ അക്കൗണ്ട്‌ തുറക്കാന്‍ ഇടതു വലത്‌ കൂട്ടുകെട്ടുകള്‍ ആവശ്യമില്ലെന്ന്‌ ബിജെപി സംസ്ഥാന നേതൃത്വത്തിന്റെ തീരുമാനം. സംസ്ഥാനകമ്മറ്റി യോഗത്തിലാണ്‌ ബിജെപി ഈ സുപ്രധാന തീരുമാനം എടുത്തത്‌. ഇതിനു പകരം ഒന്നിലും പെടാത്ത ചെറുപാര്‍ട്ടികളെ ഉള്‍ക്കൊള്ളിച്ച്‌ സഖ്യം വിപുലീകരിക്കാനാണ്‌ നീക്കം. അടുത്ത തദ്ദേശഭരണ തെരഞ്ഞെടുപ്പിനു മുന്നോടിയായി വിപുലീകരണം നടത്തി പാര്‍ട്ടി ശക്തിപ്പെടുത്താനാണ്‌ യോഗം കരുക്കള്‍ നീക്കിയത്‌. 

ഇടതു വലതു മുന്നണികളുടെ ജനവിരുദ്ധ നയങ്ങള്‍ക്കെതിരെ നില്‍ക്കുന്നവരും വികസനത്തിനായി പ്രവര്‍ത്തിക്കുന്നവരെയും യോജിപ്പിച്ച്‌ കൂടെ നിര്‍ത്താനുള്ള ശ്രമങ്ങള്‍ നടത്തണമെന്ന്‌ കെ.പി.ശ്രീശന്‍ അവതരിപ്പിച്ച പ്രവര്‍ത്തന റിപ്പോര്‍ട്ടില്‍ പറയുന്നു. അതെസമയം പാര്‍ട്ടി സ്വന്തം ശക്തി സമാഹരിച്ച്‌ മുന്നോട്ട്‌ പോകണമെന്ന്‌ റിപ്പോര്‍ട്ട്‌ വ്യക്തമാക്കുന്നു. ഈ നിര്‍ദ്ദേശം നേരത്തെ പാര്‍ട്ടി മുഖപത്രമായ ജന്മഭൂമിയില്‍ വന്ന ലേഖനത്തെ തള്ളിക്കളയുന്നു. കേരള കോണ്‍ഗ്രസുമായി സഹകരണം നിര്‍ദ്ദേശിച്ചായിരുന്നു ലേഖനം. ഇതിനെതിരെപാര്‍ട്ടി സംസ്ഥാന പ്രസിഡന്റ്‌ വി.മുരളീധരന്‍ രംഗത്തു വന്നതോടെ രാഷ്‌ട്രീയ വിവാദമായി മാറിയിരുന്നു. അതെസമയം പാര്‍ട്ടി നയത്തെ സ്വാധീനിക്കാനല്ല തന്റെ വ്യക്തിപരമായ അഭിപ്രായമായി മാത്രം ലേഖനത്തെ കണ്ടാല്‍ മതിയെന്ന്‌ ലേഖകന്‍ കൂടിയായ കെ.കുഞ്ഞിക്കണ്ണന്‍ യോഗത്തെ അറിയിച്ചതായും ബിജെപി വൃത്തങ്ങള്‍ സൂചിപ്പിക്കുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha