പ്ലസ്‌ടു കേസില്‍ സര്‍ക്കാരിന്റെ അപ്പീല്‍ ഹൈക്കോടതി തള്ളി
പ്ലസ്‌ടു കേസില്‍ സര്‍ക്കാര്‍ സമര്‍പ്പിച്ച അപ്പീലുകള്‍ ഹൈക്കോടതി ഡിവിഷന്‍ ബഞ്ച്‌ തള്ളി. സിംഗിള്‍ ബഞ്ച്‌ വിധിയില്‍ ഇടപെടാന്‍ മതിയായ കാരണമില്ലെന്ന്‌ ചൂണ്ടിക്കാട്ടിയാണ്‌ അപ്പീലുകള്‍ കേടതി തള്ളിയത്‌. ജസ്‌റ്റിസുമാരായ ആന്റണി ഡൊമിനിക്‌, ശേഷാദ്രി നായിഡു എന്നിവരുള്‍പ്പെട്ട ഡിവിഷന്‍ ബഞ്ചാണ്‌ വിധി പറഞ്ഞത്‌. പ്ലസ്‌ടു അനുവദിക്കാന്‍
സ്‌കൂളുകള്‍ക്ക്‌ യോഗ്യതയുണ്ടോയെന്ന്‌ അന്വേഷിക്കാതെയാണ്‌ അനുമതി നല്‍കിയതെന്ന്‌ കോടതി ചൂണ്ടിക്കാട്ടി.
പ്ലസ്‌ടു അനുവദിച്ച ജൂലൈ 31 ലെ സര്‍ക്കാര്‍ ഉത്തരവിന്‌ ആധാരമായ നടപടികളാണ്‌ കോടതി പരിശോധിച്ചത്‌. ഹയര്‍ സെക്കന്‍ഡറി ഡയറക്‌ടറുടെ ശുപാര്‍ശ മറികടന്ന്‌ സര്‍ക്കാര്‍ അനുവദിച്ച പ്ലസ്‌ടു ബാച്ചുകള്‍ റദ്ദാക്കിയ സിംഗിള്‍ ബെഞ്ച്‌ വിധിക്കെതിരെയാണ്‌ സര്‍ക്കാര്‍ ഡിവിഷന്‍ ബെഞ്ചിന്‌ അപ്പീല്‍ നല്‍കിയത്‌.
ഉത്തരവനുസരിച്ച്‌ ഹയര്‍ സെക്കന്‍ഡറി ഡയറക്‌ടര്‍ നിര്‍ദേശിച്ചതനുസരിച്ച സ്‌കൂളുകള്‍ക്കും അധിക ബാച്ചുകള്‍ക്കും മാത്രമേ ഈ വര്‍ഷം അഡ്‌മിഷന്‍ നടത്താനാവൂ. പ്ലസ്‌ടു അനുവദിക്കുന്ന കാര്യത്തില്‍ മന്ത്രിസഭയ്‌ക്കാണ്‌ പരമാധികാരമെന്നും എണ്‍പത്തിയൊന്നായിരം വിദ്യാര്‍ഥികളുടെ ഉപരിപഠനം അനിശ്‌ചിതത്വത്തിലായെന്നുമുളള വാദമാണ്‌ സര്‍ക്കാര്‍ ഡിവിഷന്‍ ബെഞ്ചിന്‌ മുമ്പാകെ പ്രധാനമായും ഉന്നയിച്ചത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
