ചോദ്യവും വേണ്ട പറച്ചിലും വേണ്ട സദാശിവം തന്നെ കേരള ഗവര്ണര്; വെള്ളിയാഴ്ച ചുമതലയേല്ക്കും; വിവാദത്തിന് മറുപടി കേരളത്തില് വച്ച്
വിമര്ശനങ്ങളെ മുഖവിലയ്ക്കെടുക്കാതെ പി. സദാശിവത്തെ കേരളാ ഗവര്ണറാക്കി. സദാശിവത്തെ ഗവര്ണറായി നിയമിച്ചുള്ള രാഷ്ട്രപതിയുടെ ഉത്തരവ് പുറത്തിറങ്ങി.
ഇത് ആദ്യമായാണ് ഒരു മുന് സുപ്രീം കോടതി ചീഫ് ജസ്റ്റിസിനെ ഗവര്ണറായി നിയമിക്കുന്നത്. രാഷ്ട്രപതിക്ക് സത്യവാചകം ചൊല്ലികൊടുക്കുന്ന ആളാണ് സുപ്രീം കോടതി ചീഫ് ജസ്റ്റിസ്. അത്തരത്തിലുള്ള ഒരാളെ രാഷ്ട്രപതി തനിക്ക് കീഴിലുള്ള ഒരു പദവിയിലേക്ക് നിയമിക്കുന്നത് ശരിയല്ലെന്ന വാദമാണ് എല്ലാവരും ഉന്നയിച്ചത്.
പി. സദാശിവത്തെ ഗവര്ണറാക്കുന്നതിനെതിരെ മുഖ്യമന്ത്രിയും ആഭ്യന്തരമന്ത്രിയും എതിര്ത്തിരുന്നു. ബിജെപിയുടെ സംസ്ഥാന ഘടകവും സദാശിവത്തെ ഗവര്ണറാക്കരുതെന്ന് കേന്ദ്ര നേതാക്കളോട് ആവശ്യപ്പെട്ടിരുന്നു.
കേരളാ ഗവര്ണറായി നിയമിതനായ സദാശിവം വെള്ളിയാഴ്ച ചുമതലയേല്ക്കും. നാളെ കേരളത്തില് എത്തും. ഗവര്ണര് പദവി കേരളത്തിലെ ജനങ്ങളെ സേവിക്കുവാന് ഉപയോഗിക്കുമെന്നും അദ്ദേഹം പറഞ്ഞു.
സര്ക്കാറിന് നിയമോപദേശം നല്കേണ്ട ചുമതല ഗവര്ണര്ക്ക് ഇല്ലെന്നും താന് ഒരിക്കലും കോര്പ്പറേറ്റുകളുടെ മധ്യസ്ഥനായി പ്രവര്ത്തിച്ചിട്ടില്ലെന്നും നിയുക്ത ഗവര്ണര് പറഞ്ഞു. വിവാദ വിഷയങ്ങളെ കുറിച്ച് കേരളത്തില് എത്തിയ ശേഷം പ്രതികരിക്കാമെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha