രണ്ട് വര്ഷങ്ങള്ക്ക് ശേഷം ആര്ക്കോണത്ത് വീണ്ടും ട്രയിനപകടം, ട്രെയിന് പാളം തെറ്റി ഒരാള് മരിച്ചു
ചെന്നൈയില് നിന്നും 90 കിലോമീറ്റര് അകലെ ആര്ക്കോണത്തിനു സമീപം ചിത്തേരിയില് മുസാഫര്പ്പുര് - യശ്വന്ത്പുര് ട്രെയിന് പാളം തെറ്റി മരിച്ചു. 27 പേര്ക്ക് പരിക്കേറ്റു. പരിക്കേറ്റവരെ വിവിധ ആസ്പത്രികളില് പ്രവേശിപ്പിച്ചു.
2011 ല് ഇവിടെ നടന്ന മറ്റൊരു ട്രെയിനപകടത്തില് ഒമ്പത് പേര് മരിച്ചിരുന്നു. ആര്ക്കോണം-കട്ട്പാഡി പാസഞ്ചര് വണ്ടിയുടെ പിന്നില് മെമു ട്രെയിനിടിച്ചാണ് അന്ന് അപകടമുണ്ടായത്.
ബിഹാറിലെ മുസാഫര്പ്പുരില് നിന്ന് ചെന്നൈ വഴി കര്ണാടകത്തിലെ യശ്വന്ത്പുരിലേക്ക് പോകുന്ന ട്രെയിനാണ് മുസാഫര്പ്പുര്-യശ്വന്ത്പുര് എക്സ്പ്രസ്. ട്രെയിന്റെ 11 ബോഗികളാണ് പാളം തെറ്റിയത്. അഞ്ച് എസി കോച്ചുകളും ആറ് നോണ് എസി കോച്ചുകളും അപകടത്തില്പ്പെട്ടു. അപകടകാരണം അറിവായിട്ടില്ല. രാവിലെ ആറു മണിയോടെ ആയിരുന്നു അപകടമുണ്ടായത്. രാവിലെ ആയിരുന്നതിനാല് അപകട സമയത്ത് യാത്രക്കാരെല്ലാം ഉറക്കത്തിലായിരുന്നു.
അപകടത്തെത്തുടര്ന്ന് ഇതുവഴിയുള്ള ഏഴു വണ്ടികള് റദ്ദാക്കിയതായി റയില്വേ അറിയിച്ചു. ചെന്നൈ-തിരുവനന്തപുരം മെയില്, ബൃന്ദാവന് എക്സ്പ്രസ്, ചെന്നൈ-കോയമ്പത്തൂര് തുരന്തോ എക്പ്രസ്, കോവൈ എക്പ്രസ്, വെസ്റ്റ് കോസ്റ്റ് എക്പ്രസ്, കോയമ്പത്തൂര് ഇന്റര് സിറ്റി എക്സ്പ്രസ് എന്നീ വണ്ടികളാണ് റദ്ദാക്കിയത്.
https://www.facebook.com/Malayalivartha