യാത്രക്കാരെ സഹായിക്കാന്‍ എസ്‌.എം.എസ്‌ സംവിധാനവുമായി റെയില്‍വേ
യാത്രക്കാരെ സഹായിക്കുന്നതിനായി എസ്‌.എം.എസ്‌ സംവിധാനവുമായി ഇന്ത്യന്‍ റെയില്‍വേ. ട്രെയില്‍ വൈകുന്ന വിവരമോ, റദ്ദ്‌ ചെയ്‌ത വിവരമോ എല്ലാം ഇനി എസ്‌.എം.എസ്‌ വഴി യാത്രക്കാരെ അറിയിക്കും. നിലവില്‍ വിമാന യാത്രികര്‍ക്ക്‌ മാത്രമേ ഇത്തരത്തിലുള്ള സേവനങ്ങള്‍ ലഭ്യമാായിട്ടുള്ളു.
ഇതു കൂടാതെ ഇറങ്ങേണ്ട സ്‌റ്റേഷന്‍ സെറ്റ്‌ ചെയ്‌ത്‌ വെച്ചാല്‍ വേക്ക്‌ അപ്പ്‌ കോള്‍ ആപ്ലിക്കേഷന്‍ വഴി യാത്രക്കാരെ അറിയിക്കുന്നു. വെബ്‌ സൈറ്റിന്റെ സഹായത്തോടെ ഈ സേവനം ലഭ്യമാക്കാനാണ്‌ റെയില്‍വേയുടെ തീരുമാനം. വിവിധ റൂട്ടുകളിലെ ട്രെയില്‍ സമയം, പുറപ്പെടുന്നതും, എത്തിച്ചേരുന്നതുമായ 6500 ഓളം ട്രയിനുകളുടെ സമയം ഇപ്പോള്‍ത്തന്നെ റെയില്‍ റഡാര്‍ ആപ്ലിക്കേഷന്‍ വഴി നല്‍കുന്നുണ്ട്‌. കൂടുതല്‍ പേരും ഉപയോഗിക്കുന്ന ആന്‍ഡ്രോയിഡ്‌ സംവിധാനത്തില്‍ പുതിയ ആപ്ലിക്കേഷന്‍ വൈകാതെ ഡൗണ്‍ലോഡ്‌ ചെയ്‌തെടുക്കാന്‍ കഴിയുമെന്നും റെയില്‍വേ അറിയിച്ചു.
https://www.facebook.com/Malayalivartha
