സര്‍ക്കാര്‍ മീഡിയയിലും സ്‌ത്രീകള്‍ക്ക്‌ സുരക്ഷിതത്വമില്ലെന്ന്‌ വച്ചാല്‍... ആകാശവാണിയില്‍ റേഡിയോ ജോക്കികളെ ലൈംഗികമായ്‌ പീഡിപ്പിച്ച ഉദ്യോഗസ്ഥരെ പിരിച്ചു വിട്ടു
കേന്ദ്ര സര്‍ക്കാറിന്റെ ഔദ്യോഗിക മീഡിയയാണ്‌ ആകാശ വാണിയും ദൂരദര്‍ശനും. പ്രസാര്‍ഭാരതി കോര്‍പ്പറേഷന്റെ കീഴിലുള്ള ഈ സ്ഥാപനത്തില്‍ നിരവധി സ്‌ത്രീകളാണ്‌ താത്‌കാലികമായും കോണ്‍ട്രാക്‌ടായും ജോലി ചെയ്യുന്നത്‌. എന്നാല്‍ ഇവിടെ നടക്കുന്ന പക്ഷപാതത്തിന്റേയും പീഡനത്തിന്റേയും അണിയറ കഥകള്‍ വെളിവാകുന്നതായിരുന്നു ഡല്‍ഹി ആകാശവാണിയിലെ സംഭവം.
ജോലി വീതിച്ചു നല്‍കുന്നതിലും ശമ്പളം നല്‍കുന്നതിലും വിവേചനം കാട്ടുകയാണെന്നും രണ്ട്‌ വര്‍ഷമായി കൊടിയ ലൈഗിക പീഡനമാണ്‌ നടക്കുന്നതെന്നും കാണിച്ച്‌ 25 അവതാരകരാണ്‌ പ്രസാര്‍ഭാരതിക്ക്‌ പരാതി നല്‍കിയത്‌. തുടര്‍ന്ന്‌ വിവിധ തരത്തിലുള്ള അന്വേഷണങ്ങളും നടന്നു. അന്വേഷണത്തില്‍ കുറ്റക്കാരാണെന്ന്‌ കണ്ട രണ്ട്‌ ഓഫീസര്‍മാരെ പിരിച്ചുവിട്ടു. ഒരാളെ സസ്‌പെന്‍ഡ്‌ ചെയ്‌തു. ഒരാള്‍ക്ക്‌ കാരണം കാണിക്കല്‍ നോട്ടീസും നല്‍കി.
ഡ്യൂട്ടി ഓഫിസര്‍മാരായിരുന്ന എന്‍.കെ. വര്‍മ്മ, ഷെല്ലി എന്നിവരേയാണ്‌ പിരിച്ചു വിട്ടത്‌. പ്രോഗ്രാം എക്‌സിക്യൂട്ടീവ്‌ ഡാനിഷ്‌ അലിയെയാണ്‌ സസ്‌പെന്‍ഡ്‌ ചെയ്‌തത്‌. സ്റ്റേഷന്‍ ഡയറക്‌ടര്‍ എല്‍.എസ്‌. ബാജ്‌പേയിക്ക്‌ കാരണം കാണിക്കല്‍ നോട്ടീസും നല്‍കി. പുറത്താക്കിയവര്‍ക്ക്‌ പൊതുമേഖലയില്‍ ജോലി ചെയ്യുന്നതിനും വിലക്കുണ്ട്‌.
https://www.facebook.com/Malayalivartha
