കുട്ടികമിതാക്കളെ വേർപിരിയ്ക്കാൻ അദ്ധ്യാപകര്‍ കണ്ടെത്തിയ വഴി രാഖികെട്ടൽ... കാമുകിയെ പിരിയാനാകാതെ പതിനെട്ടുകാരൻ ചെയ്തത്... നടുക്കം വിട്ടുമാറാതെ സുഹൃത്തുക്കളും അധ്യാപകരും
പ്രേമത്തില്‍ നിന്നും വിദ്യാര്‍ഥികളെ പിന്മാറ്റാന്‍ അധ്യാപകരുടെ തന്ത്രം. ആണ്‍കുട്ടിയുടെ കയ്യില്‍ രാഖി കെട്ടി അവനെ ആങ്ങളയാക്കിയാല്‍ പ്രശ്‌നം തീരുമെന്ന് അധ്യാപകര്‍ കരുതി. എന്നാല്‍ പെണ്‍കുട്ടി അതിനു തയ്യാറായിരുന്നില്ല. യഥാര്‍ഥപ്രേമത്തിന് ആചാരം മറയാക്കിതടയിടാന്‍ ശ്രമിക്കുന്നതിനിടെ ആണ്‍കുട്ടി കെട്ടിടത്തില്‍ നിന്നും ചാടി. ആത്മഹത്യാ ശ്രമത്തില്‍ ഗുരുതരമായി പരിക്കേറ്റതിനെ തുടര്‍ന്ന് വിദ്യാര്‍ത്ഥികളുടെ മാതാപിതാക്കള്‍ സ്‌കൂള്‍ കവാടത്തില്‍ പ്രതിഷേധവുമായി എത്തി.
സംഭവത്തെ തുടര്‍ന്ന് കുറ്റക്കാരായ അദ്ധ്യാപകരെ അറസ്റ്റ് ചെയ്യണമെന്ന് ആവശ്യപ്പെട്ട അനേകം മാതാപിതാക്കളാണ് സ്‌കൂള്‍ പരിസരത്ത് തടിച്ചു കൂടിയത്. സ്‌കൂള്‍ അധികൃതരുടെ പരാതിയുടെ അടിസ്ഥാനത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ദിലീപ് കുമാര്‍ സഹാ എന്ന 18 കാരനാണ് പ്രമുഖ സ്വകാര്യസ്‌കൂളിന്റെ മൂന്നാം നിലയില്‍ നിന്നും ചാടിയത്. തിങ്കളാഴ്ച ദിലീപ്കുമാറിനെയും അയാളുടെ ഗേള്‍ഫ്രണ്ടിനെയും അവരുടെ മാതാപിതാക്കളെയും അദ്ധ്യാപകര്‍ സ്‌കൂളില്‍ വിളിച്ചു വരുത്തിയിരുന്നു. തുടര്‍ന്ന് അവരുടെ മുമ്പില്‍ വെച്ച് രാഖി കെട്ടാന്‍ അദ്ധ്യാപകര്‍ നിര്‍ബ്ബന്ധിക്കുകയും ചെയ്തു.
എന്നാല്‍ കെട്ടാന്‍ പെണ്‍കുട്ടിയോ കൈ കാണിച്ചു കൊടുക്കാന്‍ ദിലീപ് കുമാറോ തയ്യാറായില്ല. നിര്‍ബ്ബന്ധം കൂടിയതോടെ സ്‌കൂള്‍ ബില്‍ഡിംഗിന്റെ മുകളില്‍ നിന്നും ദിലീപ്കുമാര്‍ താഴേയ്ക്ക് എടുത്തു ചാടുകയായിരുന്നു. ഗുരുതരമായി പരിക്കേറ്റ കുട്ടിയെ പെട്ടെന്ന് തന്നെ ആശുപത്രിയില്‍ എത്തിച്ചെങ്കിലും നില മാറ്റമില്ലാതെ തുടരുകയാണ്.
https://www.facebook.com/Malayalivartha
