പശ്ചിമഘട്ട പ്രദേശത്തെ പരിസ്ഥിതി മേഖലയും ജനവാസ മേഖലയുമായി തിരിക്കണമെന്ന് കസ്തൂരിരംഗന്
പശ്ചിമഘട്ട പ്രദേശത്തെ പരിസ്ഥിതി മേഖലയും ജനവാസ മേഖലയുമായി തിരിക്കണമെന്നും അതിരപ്പിള്ളി പദ്ധതി ഇപ്പോഴത്തെ സാഹചര്യത്തില് നടപ്പാക്കുന്നതിനോട് യോജിപ്പില്ലെന്നും ഗാഡ്ഗില് കമ്മീഷന് റിപ്പോര്ട്ടിനെപ്പറ്റി പഠനം നടത്തിയ കസ്തൂരിരംഗന് സമിതി ഇന്ന് കേന്ദ്ര സര്ക്കാരിന് സമര്പ്പിച്ച റിപ്പോര്ട്ടില് പറഞ്ഞു. പശ്ചിമഘട്ട സംരക്ഷണ അതോറിറ്റി വേണ്ട എന്നും സമിതി ശുപാര്ശ ചെയ്തു.
60,000 ചതുരശ്ര കിലോമീറ്റര് വിസ്തൃതിയുള്ള പശ്ചിമഘട്ടത്തിന്റെ 37 ശതമാനം പ്രദേശങ്ങള് അതിപരിസ്ഥിതി പ്രാധാന്യമുള്ളതാണ്. അത് സംരക്ഷിക്കപ്പെടണം. അതിരപ്പിള്ളി പദ്ധതിക്കാര്യത്തില് സംസ്ഥാന സര്ക്കാരിന് പുതിയ വിവരങ്ങളുടെ അടിസ്ഥാനത്തില് കേന്ദ്ര പരിസ്ഥിതി മന്ത്രികാര്യാലയത്തെ സമീപിക്കാവുന്നതാണെന്നും റിപ്പോര്ട്ടില് പറയുന്നു.
പശ്ചിമഘട്ട പ്രദേശത്ത് കീടനാശിനികള് നിരോധിക്കണമെന്ന ഗാഡ്ഗില് കമ്മിറ്റി ശുപാര്ശ കസ്തൂരിരംഗന് കമ്മീഷന് നിരാകരിച്ചു.
https://www.facebook.com/Malayalivartha