തോക്കുകളും ചൈനീസ് നിര്മ്മിത ഗ്രനേഡുകളുമായി നാല് ഭീകരര് പിടിയില്; പിടിയിലായവർ നിരോധിത സംഘടനയായ പീപ്പിള്സ് ലിബറേഷന് ആര്മിയിലെ അംഗങ്ങളെന്ന് പോലീസ്
മണിപ്പൂരില് നാല് ഭീകരര് പിടിയില്. നിരോധിത സംഘടനയായ പീപ്പിള്സ് ലിബറേഷന് ആര്മിയിലെ അംഗങ്ങളാണ് പിടിയിലായത്. രണ്ടിടങ്ങളില്നിന്നുമാണ് ഇവരെ പോലീസ് പിടികൂടിയത്. ബുധനാഴ്ച പത്രക്കുറിപ്പിലൂടെയാണ് പോലീസ് ഇക്കാര്യം വ്യക്തമാക്കിയത്.
തൂബാല് ജില്ലയിലെ ഹിറോക്കില്നിന്നുമാണ് ഒരാളെ പിടികൂടിയത്. എച്ച്. രദീശ്യാമിനെയാണ് തൂബാലില്നിന്നു പിടികൂടിയത്. തിങ്കളാഴ്ച രാത്രി പോലീസ് ഖുറായി മേഖലയില് നടത്തിയ തെരച്ചിലാണ് മറ്റു മൂന്ന് പിടിയിലായത്. ടി. അരുണ്, ആര്.കെ. സുര്ജിത്, എന്. പ്രേംചന്ദ് എന്നിവരാണ് പിടിയിലായത്.
മൂന്ന് തോക്കുകളും തിരകളും ചൈനീസ് നിര്മത ഗ്രനേഡുകളും മൊബൈല് ഫോണുകളും സംഘത്തില്നിന്നും പോലീസ് പിടിച്ചെടുത്തു. ഇവര്ക്കെതിരെ കേസ് രജിസ്റ്റര് ചെയ്തു വിശദമായ അന്വേഷണം ആരംഭിച്ചതായും പോലീസ് അറിയിച്ചു.
https://www.facebook.com/Malayalivartha