പഞ്ചാബ് മന്ത്രി നവ്‌ജോത് സിങ് സിദ്ദു പ്രതിയായ റോഡ് റേജ് കേസ് സുപ്രീം കോടതി പുനഃപരിശോധിക്കുന്നു. ഇരയുടെ കുടുംബാംഗങ്ങള്‍ നല്‍കിയ പുനഃപരിശോധനാ ഹര്‍ജിയിലാണ് നടപടി. മെയില്‍ സുപ്രിംകോടതി 1000 രൂപ പിഴയീടാക്കി സിദ്ദുവിനെ കേസില്‍ നിന്ന് കുറ്റവിമുക്തനാക്കിയിരുന്നു. തെളിവുകളുടെ അഭാവത്തിലാണ് അന്ന് സിദ്ദു രക്ഷപ്പെട്ടത്. ജസ്റ്റിസ് ജെ. ചെല്ലമേശ്വര്‍, ജസ്റ്റിസ് സഞ്ജയ് കിഷന്‍ കൗള്‍ എന്നിവരുടെ ബെഞ്ചാണ് കേസില്‍ വിധി പറഞ്ഞത്.

കേസില്‍ പ്രതിയായിരുന്ന സിദ്ദുവിന്റെ കസിന്‍ രൂപീന്ദര്‍ സിങ് സന്ധുവിനെയും വെറുതെവിട്ടിരുന്നു. പിന്നീട് കുടുംബം ഇതിനെതിരെ കോടതിയെ സമീപിച്ചു. 30 വര്‍ഷങ്ങള്‍ക്ക് മുമ്ബ് 1988 ഡിസംബര്‍ 27 ന് സിദ്ദു ഓടിച്ച വാഹനമിടിച്ച്‌ ഒരാള്‍ കൊല്ലപ്പെട്ട കേസാണിത്.