ഇന്ധന വില കുതിച്ചുകയറുന്നതില് ബിജെപിയും മുന് യുപിഎ സര്ക്കാരും ഒരുപോലെ ഉത്തരവാദികളാണെന്ന് മായാവതി; മായാവതിയുടെ പ്രസ്താവനയില് അമ്പരന്ന് മഹാസഖ്യം
ഇന്ധന വില കുതിച്ചുകയറുന്നതില് ബിജെപിയും മുന് യുപിഎ സര്ക്കാരും ഒരുപോലെ ഉത്തരവാദികളാണെന്ന ബിഎസ്പി നേതാവ് മായാവതിയുടെ പ്രസ്താവനയില് അമ്ബരന്ന് കോണ്ഗ്രസ്. 2019 ലോക്സഭാ തെരഞ്ഞെടുപ്പിലെ മഹാസഖ്യം തകര്ക്കാനുള്ള മായാവതിയുടെ ശ്രമത്തിന്റെ ഭാഗമാണോ ഇതെന്ന ചോദ്യമാണ് കോണ്ഗ്രസില്നിന്ന് ഉയരുന്നത്.
കഴിഞ്ഞ ദിവസം ഇന്ധനവിലയില് പ്രതിഷേധിച്ച് കോണ്ഗ്രസ് ആഹ്വാനം ചെയ്ത ഭാരത് ബന്ദില്നിന്നും ബിഎസ്പി അകലംപാലിക്കുകയാണ് ഉണ്ടായത്. പ്രതിപക്ഷ പാര്ട്ടികള് തമ്മിലുള്ള ഐക്യം എല്ലാവരും ആഗ്രഹിക്കുമ്ബോള് ഇത്തരം പരാമര്ശങ്ങള് തെറ്റായ സന്ദേശമാണ് ജനങ്ങള്ക്കും പ്രതിപക്ഷ സഖ്യത്തെ ചോദ്യം ചെയ്യുന്ന ഭരണകക്ഷിക്കും ലഭിക്കുകയെന്ന് ഒരു കോണ്ഗ്രസ് നേതാവ് വാര്ത്താ ഏജന്സിയായ പിടിഐയോടു പറഞ്ഞു. മായാവതി നടത്തിയ നിരീക്ഷണത്തില് പാര്ട്ടി പ്രവര്ത്തകര് അസംതൃപ്തരാണ്. ബിഎസ്പി നേതാവിന്റെ താല്പര്യം സംബന്ധിച്ച് കോണ്ഗ്രസ് പ്രവര്ത്തകര് സംശയത്തോടെയാണ് കാണുന്നതെന്നും അദ്ദേഹം പറഞ്ഞു.
വരുന്ന രാജസ്ഥാന്, മധ്യപ്രദേശ്, ഛത്തീസ്ഗഡ് എന്നീ സംസ്ഥാനങ്ങളിലെ നിയസമസഭാ തെരഞ്ഞെടുപ്പുകളില് കൂടുതല് സീറ്റുകള് നേടിയെടുക്കാനുള്ള മായാവതിയുടെ തന്ത്രത്തിന്റെ ഭാഗമാണിത്. ഈ സംസ്ഥാനങ്ങളില് സീറ്റുകള് വീതം വയ്ക്കുമ്ബോള് മേല്ക്കൈ നേടാനുള്ള ശ്രമത്തിന്റെ ഭാഗമാണ്. തെരഞ്ഞെടുപ്പ് നടക്കാനിരിക്കുന്ന സംസ്ഥാനങ്ങളില് കോണ്ഗ്രസ് പാര്ട്ടി ശക്തമാണ്. പാര്ട്ടിയുടെ ചെലവിലായിരിക്കില്ല സീറ്റ് വീതംവയ്പ്പുകളെന്ന് കേന്ദ്രനേതാക്കള് ഉറപ്പാക്കണമെന്നും അദ്ദേഹം പറഞ്ഞു.
https://www.facebook.com/Malayalivartha