രാജ്യസഭാംഗമായതിനുശേഷം ഒരിക്കല്‍ അയാള്‍ എന്നെ സമീപിച്ചിരുന്നു ഞാന്‍ ചെവിക്കൊണ്ടില്ല. പക്ഷേ, അയാള്‍ എന്റെ പിറകേവരികയും ബാധ്യതകള്‍ തീര്‍ക്കാമെന്ന് അറിയിക്കുകയും ചെയ്തു. അയാള്‍ മുമ്പുപറഞ്ഞ വ്യാജവാഗ്ദാനങ്ങളൊക്കെയും എന്റെയടുത്തും ആവര്‍ത്തിച്ചു. ആ സംഭാഷണം തുടരാന്‍ ഞാന്‍ അനുവദിച്ചില്ലെന്നും. ബാങ്കുകളോട് സംസാരിക്കാനാണ് ഞാന്‍ പറഞ്ഞത് മാത്രമല്ല അയാളുടെ പക്കലുണ്ടായിരുന്ന കടലാസുകളും ഞാന്‍ വാങ്ങിയില്ല.'' എന്നാണ് ജെയ്റ്റ്‌ലി വിശദീകരണം നല്‍കിയത്. കൂടാതെ പിന്നീടൊരിക്കലും തന്നെ കാണാന്‍ മല്യക്ക് അനുവാദം നല്‍കിയിട്ടില്ലെന്നും ജെയ്റ്റ്‌ലി പറഞ്ഞു.

എന്നാല്‍ വിജയ് മല്യയുമായി കൂടിക്കാഴ്ച നടത്തിയിട്ടില്ലെന്ന് അരുണ്‍ ജെയ്റ്റ്ലി കള്ളംപറയുകയാണെന്നാണ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ആരോപിക്കുന്നത്. പാര്‍ലമെന്റിനകത്ത് വെച്ച് ഇരുവരും കൂടിക്കാഴ്ച നടത്തിയതിന് കോണ്‍ഗ്രസ് നേതാവ് പി.എല്‍.പുനിയ സാക്ഷിയാണെന്നും രാഹുല്‍ വാര്‍ത്താ സമ്മേളനത്തില്‍ ആരോപിച്ചു. അതുപൊലെ തന്നെ വിമാനത്താവളത്തില്‍ മല്യയ്‌ക്കെതിരായ ലുക്ക് ഔട്ട് നോട്ടിസ് മാറ്റി റിപ്പോര്‍ട്ട് നോട്ടിസ് ആക്കിയത് ജയ്റ്റിലിയുടെ അറിവോടെയാണ്. രാജ്യം വിടാന്‍ മല്യയെ സഹായിക്കുന്നതിനു പ്രധാനമന്ത്രിയുടെ നിര്‍ദേശം ലഭിച്ചിരുന്നോ എന്നു ജയ്റ്റ്‌ലി വ്യക്തമാക്കണം. മല്യയെ സഹായിച്ചതില്‍ സര്‍ക്കാരിനുള്ള പങ്കു പുറത്തുകൊണ്ടുവരാന്‍ നിയമപരമായ എല്ലാ കാര്യങ്ങളും കോണ്‍ഗ്രസ് ചെയ്യുമെന്നും രാഹുല്‍ വ്യക്തമാക്കി. കുറ്റവാളിയായ ഒരാളോട് എന്തിനാണ് ബന്ധം പുലര്‍ത്തിയതെന്നും എന്താണ് ചര്‍ച്ച ചെയ്തതെന്നും ധനകാര്യമന്ത്രി രാജ്യത്തോട് വിശദീകരിക്കണമെന്നും രാഹുല്‍ ആവശ്യപ്പെട്ടു.

കോണ്‍ഗ്രസ് രാജ്യസഭാ എംപിയായ പി.എല്‍.പുനിയയും രാഹുലിനൊപ്പം വാര്‍ത്താസമ്മേളനത്തില്‍ പങ്കെടുത്തിരുന്നു.

2016- മാര്‍ച്ചില്‍ പാര്‍ലമെന്റ് സെന്‍ട്രല്‍ ഹാളിലെ ഒരു മൂലയില്‍ വിജയ് മല്യയും അരുണ്‍ ജെയ്റ്റ്ലിയും കൂടിക്കാഴ്ച നടത്തുന്നത് ഞാന്‍ കണ്ടതാണ്. കൂടിക്കാഴ്ച ഏഴു മിനിറ്റോളം നീണ്ടുനിന്നിരുന്നു. ഇരുവരും അവിടെയുള്ള ബെഞ്ചിലിരുന്നാണ് സംസാരിച്ചത്. ജെയ്റ്റ്ലിയുടെ അടുത്തേക്ക് മല്യ വരികയായിരുന്നുവെന്നും പുനിയ പറഞ്ഞു. മല്യ ലണ്ടനിലേക്ക് കടക്കുന്നതിന് രണ്ടു ദിവസം മുമ്പായിരുന്നു കൂടിക്കാഴ്ചയെന്നും സിസിടിവി ദൃശ്യങ്ങള്‍ പരിശോധിക്കാമെന്നും പുനിയ കൂട്ടിച്ചേര്‍ത്തു. 2014-നു ശേഷം മല്യക്ക് തന്നെ കാണാന്‍ അനുവാദം നല്‍കിയിട്ടില്ലെന്ന് അരുണ്‍ ജെയ്റ്റ്ലി കഴിഞ്ഞ ദിവസം പറഞ്ഞത് തെറ്റാണെന്ന് പുനിയയും ആവര്‍ത്തിച്ചു

ഏറെ വിവാദങ്ങള്‍ക്ക് വഴിവയ്ക്കുന്ന ഇ സംഭവം കഴിഞ്ഞ ദിവസം ലണ്ടനിലെ കോടതിയില്‍ ഹാജരായതിന് ശേഷം മാധ്യമങ്ങളെ കണ്ടപ്പോഴാണ് മല്യ വെളിപ്പെടുത്തിയത്.