പോലീസ് ഉദ്യോദസ്ഥരുടെ മക്കള്‍ക്ക് എന്തും ആകാം ആരെയും മര്‍ദ്ദിക്കാം എന്ന അവസ്ഥയാണ്. അവര്‍ക്കെതിരെ ഒരു നടപടിയും ഉണ്ടാകില്ല ആധവാ ഉണ്ടായാല്‍ തന്നെ നടപടികള്‍ എങ്ങുമെത്താത്ത അവസ്ഥയുമാണ് അതിനൊരു വലിയ ഉദാഹരണമാണ്. കേരളത്തിലെ ഗവാസ്‌ക്കര്‍ എന്ന പോലീസ് ഉദ്യോഗസ്ഥനു നേരെയുണ്ടായ എടിജിപ്പിിയുടെ മകളുടെ കയ്യാങ്കളി. ആ കേസിന്റെ തുടര്‍ നടപടികള്‍ ഏതാണ്ട് നിലച്ച മട്ടാണ്. അത്തരത്തിലൊരു സംഭവമാണ് ഡല്‍ഹിയിലും റിപ്പോര്‍ട്ട് ചെയ്തിരിക്കുന്നത്. പ്രത്യേകിച്ച് ഒരു കാരണവുമില്ലാതെ ഒരു പെണ്‍കുട്ടിയെ ക്രൂരമായി മര്‍ഗദ്ദിക്കുകയാണ് ഒരു പോലീസ് ഉദ്യോദസ്ഥന്റെ മകന്‍. മര്‍ദ്ദന ദൃശ്യങ്ങള്‍ സമൂഹ മാധ്യമങ്ങളില്‍ വൈറലായതു കൊണ്ടു മാത്രമാണ് യുവാവിനെതിരെ പൊലിസ് കേസ് എടുത്തത് അറസ്റ്റ് രേഖപ്പെടുത്തിയത്.

ഡല്‍ഹിയിലാണ് പെണ്‍കുട്ടിയെ ക്രൂരമായി മര്‍ദിച്ച പൊലീസ് ഉദ്യോഗസ്ഥന്റെ മകന്‍ അറസ്റ്റു ചെയ്തത്. പെണ്‍കുട്ടിയുടെ സുഹൃത്തുക്കള്‍ മര്‍ദിക്കുന്നതിന്റെ വീഡിയോ പങ്കുവെച്ചതിനെ തുടര്‍ന്നാണ് അറസ്റ്റുണ്ടായത്. ഡല്‍ഹി പൊലീസിലെ ഉയര്‍ന്ന ഉദ്യോഗസ്ഥന്റെ മകനായ രോഹിത് സിങ് തോമറാണ് പെണ്‍കുട്ടിയെ ക്രൂരമായി മര്‍ദ്ധിച്ചത്

ഡല്‍ഹിയിലെ ഒരു ബി.പി.ഒ സന്റെറില്‍ വെച്ചാണ് രോഹിത് പെണ്‍കുട്ടിയെ അതി ക്രൂരമായി മര്‍ദിച്ചതെന്ന് കണ്ടെത്തിയത്. പെണ്‍കുട്ടിയുടെ മുടിയില്‍ പിടിക്കുന്നതും നിലത്ത് വലിച്ചിഴക്കുന്നതും ദൃശ്യങ്ങളില്‍ വ്യക്തമാണ്. 21കാരനായ രോഹിത് അടുത്തിടെയാണ് ഇവിടെ ജോലിക്കെത്തിയതെന്നാണ് സൂചന. അതേ സമയം, എന്തിനാണ് ഇയാള്‍ പെണ്‍കുട്ടിയെ മര്‍ദിച്ചതെന്ന് വ്യക്തമായിട്ടില്ല.

പെണ്‍കുട്ടിയെ ക്രൂരമായി മര്‍ദിക്കുന്നതിന്റെ വീഡിയോ വ്യാപകമായി പ്രചരിച്ചതിനെ തുടര്‍ന്ന് സംഭവത്തില്‍ കേസെടുക്കാന്‍ ഡല്‍ഹി പൊലീസിന് ആഭ്യന്തര മന്ത്രി രാജ്‌നാഥ് സിങ് നിര്‍ദേശം നല്‍കിയത്.