മുഖ്യമന്ത്രി മനോഹര്‍ പരീക്കര്‍ അനാരോഗ്യത്തെത്തുടര്‍ന്ന് ചികിത്സയിലാണെങ്കിലും ഗോവയില്‍ ഭരണ സ്തംഭനമില്ലെന്ന് ഗോവ നിയമസഭ ഡെപ്യൂട്ടി സ്പീക്കര്‍ മൈക്കിള്‍ ലോബോ. മുഖ്യമന്ത്രി വഹിച്ചിരുന്ന വകുപ്പുകളുടെ ചുമതല താത്കാലികമായി മറ്റ് മന്ത്രിമാര്‍ക്ക് വിഭജിച്ച് നല്‍കിയിട്ടുണ്ടെന്നും അദ്ദേഹം വ്യക്തമാക്കി.

ഉച്ചയ്ക്ക് ഒന്നിന് പരീക്കറെ എയിംസിലെത്തിക്കും. പ്രധാനമന്ത്രി നരേന്ദ്ര മോദിയും ബിജെപി ദേശിയ അധ്യക്ഷന്‍ അമിത് ഷായും കാര്യങ്ങള്‍ വിലയിരുന്നുണ്ടെന്നും ഡെപ്യൂട്ടി സ്പീക്കര്‍ വ്യക്തമാക്കി.