ഇന്‍ഷുറന്‍സ് ഇല്ലാത്ത വാഹനങ്ങള്‍ വിറ്റ് ഇരകള്‍ക്ക് നഷ്ടപരിഹാരം നല്‍കണമെന്ന് സുപ്രീംകോടതി
അപകടത്തില്‍പ്പെടുന്ന, ഇന്‍ഷുറന്‍സ് സംരക്ഷണമില്ലാത്ത വാഹനങ്ങള്‍ വിറ്റ് ഇരകള്‍ക്ക് നഷ്ടപരിഹാരം നല്‍കണമെന്ന് സുപ്രീംകോടതി. ഇതിനാവശ്യമായി മോട്ടോര്‍ വാഹനചട്ടം ഭേദഗതിചെയ്യാന്‍ ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ച് സംസ്ഥാന സര്‍ക്കാരുകള്‍ക്ക് നിര്‍ദേശം നല്‍കി. വാഹനം വിറ്റു കിട്ടുന്ന പണം വാഹനാപകട നഷ്ടപരിഹാര ഫോറത്തില്‍ നിക്ഷേപിക്കണം. ഉത്തരവ് നടപ്പാക്കാന്‍ 12 ആഴ്ചത്തെ സമയവും കോടതി അനുവദിച്ചു.
തേര്‍ഡ് പാര്‍ട്ടി ഇന്‍ഷുറന്‍സ് ഇല്ലാത്ത വാഹനമിടിച്ചു മരിച്ച ഭര്‍ത്താവിനും പരിക്കേറ്റ മകനും നഷ്ടപരിഹാരം നല്‍കാന്‍ പഞ്ചാബ് സര്‍ക്കാരിനോട് നിര്‍ദേശിക്കണമെന്ന് ആവശ്യപ്പെട്ട് ഉഷാദേവി നല്‍കിയ പരാതി പരിഗണിക്കവേയാണ് കോടതിയുടെ നിര്‍ദ്ദേശം. അപകടത്തില്‍പ്പെടുന്ന തേര്‍ഡ് പാര്‍ട്ടി ഇന്‍ഷുറന്‍സില്ലാത്ത വാഹനം ഉടമയ്ക്കു വിട്ടുകൊടുക്കുന്നത് നിരോധിച്ചുകൊണ്ട് 2008ല്‍ ഡല്‍ഹി സര്‍ക്കാര്‍ ചട്ടം ഭേദഗതി ചെയ്തിട്ടുള്ളത് ശ്രദ്ധയില്‍പ്പെടുത്തിയപ്പോഴാണ് മറ്റു സംസ്ഥാനങ്ങളും ചട്ടത്തില്‍ ആവശ്യമായ ഭേദഗതി വരുത്താന്‍ സുപ്രീംകോടതി നിര്‍ദേശിച്ചത്.
മോട്ടോര്‍ വാഹന നിയമമനുസരിച്ച് എല്ലാ വാഹനങ്ങള്‍ക്കും തേഡ് പാര്‍ട്ടി ഇന്‍ഷുറന്‍സ് വേണം. എന്നാല്‍ പലപ്പോഴും അപകടത്തിനു കാരണമാകുന്ന വാഹനത്തിന് തേര്‍ഡ് പാര്‍ട്ടി ഇന്‍ഷുറന്‍സ് ഉണ്ടാകാറില്ല. ഇത് അപകടത്തിന് ഇരയാകുന്നവര്‍ക്ക് നഷ്ടപരിഹാരം ലഭിക്കുന്നതിന് തടസ്സമാകുകയും ചെയ്യുന്ന പശ്ചാത്തലത്തിലാണ് സുപ്രീംകോടതിയുടെ നിര്‍ദ്ദേശം
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
