പെട്രോള് വില കൂടിയാലെന്താ; കക്കൂസ് കെട്ടുന്നുണ്ടല്ലോ; കക്കൂസ് നിര്മാണം വന് വിജയമായി എന്ന് നരേന്ദ്ര മോദി; തിരുവനന്തപുരത്ത് പെട്രോള് വില 85 രൂപ കടന്നു
പെട്രോള് ഡീസല് വില റോക്കറ്റുപോലെയാണ് കുതിച്ചുയരുന്നത്. ഇന്നും പെട്രോളിന് വിലവര്ദ്ധിച്ചു. തിരുവനന്തപുരത്ത് പെട്രോള് വില 85 രൂപ കടന്നു. എന്നാല് വിലവര്ദ്ധനവില് ജനങ്ങള്ക്ക് കൃത്യമായ വീശദ്ധീകരണം നല്കാന് കേന്ദ്രസര്ക്കാര്തയ്യാറാകുന്നുമില്ല. സാധാരണക്കാരായ ജനങ്ങള് സര്ക്കാരിനെ വിമര്ശിച്ചു മടുത്ത അവസ്ഥയിലുമാണ്. എന്നാല് പെട്രോള് വില കൂട്ടുന്നത് വെറുതേയായില്ലന്നും വിജയം കണ്ടു തുടങ്ങിയെന്നുമുള്ള വിശദ്ദീകരണവുമായി രംഗത്തെത്തിയിരിക്കുകയാണ് നരേന്ദ്ര മോദി സര്ക്കാര്. വിലവര്ദ്ധനവിനുള്ള ഒരു കാരണം കക്കൂസ് നിര്മാണമാണ് അതു ഭലം കണ്ടു തുടങ്ങിയെന്നും 9 കോടി കക്കൂസുകള് പണിതുവെന്ന് മോദി അവകാശപ്പെടുന്നു.
രാജ്യത്ത് ഇന്ധന വില കുതിച്ച് കയറുമ്പോള്, അതിന് കാരണമായി പറഞ്ഞിരുന്നത് കക്കൂസ് നിര്മാണം ആയിരുന്നു. നരേന്ദ്ര മോദി സര്ക്കാരിന്റെ സ്വപ്ന പദ്ധതിയാണ് സ്വച്ഛ് ഭാരത് അഭിയാന്. എന്തായാലും കക്കൂസ് നിര്മാണം വന് വിജയമായി എന്നാണ് നരേന്ദ്ര മോദി പറയുന്നത്.
സ്വച്ഛ് ഭാരത് പദ്ധതി പ്രകാരം രാജ്യത്ത് ഒമ്പത് കോടി കക്കൂസുകള് നിര്മിച്ചു എന്നാണ് പ്രധാനമന്ത്രി വ്യക്തമാക്കിയത്. സ്വച്ഛ ഭാരത് പദ്ധതി 90 ശതമാനം വിജയം ആണെന്നും അദ്ദേഹം പറഞ്ഞു.
കേന്ദ്ര സര്ക്കാര് ശുചീകരണ യജ്ഞമായ സ്വച്ഛതാ ഹീ സേവ പരിപാടി ഉദ്ഘാടനം ചെയ്തുകൊണ്ടാണ് പ്രധാനമന്ത്രി ഇക്കാര്യം പറഞ്ഞത്. നാല് വര്ഷം മുമ്പ് ഗാന്ധിജയന്തി ദിനത്തില് ആയിരുന്നു സ്വച്ഛ് ഭാരത് പദ്ധതി പ്രഖ്യാപിച്ചത്.
സ്വച്ഛതാ ഹീ സേവാ കാമ്ബയിന് ഒക്ടോബര് 2 വരെ തുടരും. ഗാന്ധിജിയുടെ 150-ാം ജന്മവാര്ഷികത്തില് അദ്ദേഹത്തിന്റെ സ്വപ്നം സഫലമാക്കണം എന്നാണ് പ്രധാനമന്ത്രി ആഹ്വാനം ചെയ്തിട്ടുള്ളത്. സ്വച്ഛതാ ഹീ സേവാ കാമ്ബയിന്റെ ഭാഗമായി നരേന്ദ്ര മോദി ദില്ലി പഹര്ഗഞ്ചിലെ ബാബാ സാഹിബ് അംബേദ്കര് ഹയര് സെക്കന്ഡറി സ്കൂള് ശുചീകരണത്തില് പങ്കാളിയായി. ഉദ്ഘാടന ചടങ്ങില് കേരളത്തില് നിന്ന് മാതാ അമൃതാനന്ദമയിയും പങ്കെടുത്തിരുന്നു. അമിതാഭ് ബച്ചന്, രത്തന് ടാറ്റ്, സദ്ഗുരു തുടങ്ങിയവരുമായി പ്രധാനമന്ത്രി വീഡിയോ കോണ്ഫറന്സിങ് വഴി സംസാരിക്കുകയും ചെയ്തു. ശുചിത്വ യജ്ഞത്തില് പങ്കാളികള് ആകണം എന്ന് മോഹന്ലാലിനോടും മമ്മൂട്ടിയോടും പ്രധാനമന്ത്രി നേരത്തെ ആവശ്യപ്പെട്ടിരുന്നു,
https://www.facebook.com/Malayalivartha