വിദേശരാജ്യങ്ങളുടെ ഉപഗ്രഹങ്ങള് ഭ്രമണപഥത്തിലെത്തിക്കുകയെന്ന ലക്ഷ്യത്തോടെ ഇന്ത്യന് ബഹിരാകാശ ഗവേഷണ സംഘടന ആരംഭിച്ച പിഎസ്എല്വിയുടെ സി 42 റോക്കറ്റ് ഇന്ന് കുതിച്ചുയരും
വിദേശരാജ്യങ്ങളുടെ ഉപഗ്രഹങ്ങള് ഭ്രമണപഥത്തിലെത്തിക്കുകയെന്ന ലക്ഷ്യത്തോടെ ഇസ്രോ (ഇന്ത്യന് ബഹിരാകാശ ഗവേഷണ സംഘടന) ആരംഭിച്ച പിഎസ്എല്വിയുടെ സി 42 റോക്കറ്റ് ഇന്ന് കുതിച്ചുയരും. വിക്ഷേപണത്തിന്റെ കൗണ്ട്ഡൗണ് ശനിയാഴ്ച ആരംഭിച്ചിരുന്നു. യുകെയിലെ സറേ സാറ്റലൈറ്റ് ടെക്നോളജി ലിമിറ്റഡിന്റെ (എസ്എസ്ടിഎല്), നോവഎസ്എആര്, എസ്14 എന്നീ ഉപഗ്രഹങ്ങളാണ് ഭ്രമണപഥത്തിലെത്തിക്കുക. ഇന്ത്യന് സമയം 10.07 നായിരിക്കും ശ്രീഹരിക്കോട്ടയില്നിന്നുള്ള വിക്ഷേപണം.
800 കിലോഗ്രാമിലേറെയാണ് രണ്ട് ഉപഗ്രഹങ്ങള്ക്കുംകൂടി ഭാരം. വനഭൂപട നിര്മാണം, സര്വേ, വെള്ളപ്പൊക്കം ഉള്പ്പെടെയുള്ള പ്രകൃതി ദുരന്തങ്ങളുടെ വിശകലനം തുടങ്ങിയവയാണു ഉപഗ്രഹങ്ങളുടെ ലക്ഷ്യം.
ഭൂമിയില് നിന്നും 583 കിലോ മീറ്റര് അകലെ ഭൗമനിരീക്ഷണത്തിനുള്ള നോവസാറും എസ്14 എന്ന ഉപഗ്രഹങ്ങളും വഹിച്ച് രാത്രി പത്ത് ശേഷമാവും പിഎസ്എല്വി കുതിക്കുക. ബ്രിട്ടന്റെ ഈ രണ്ട് ഉപഗ്രഹങ്ങളും ഇനി സൂര്യനെ ചുറ്റും. 17.5 മിനിറ്റ് കൊണ്ട് ഉപഗ്രഹങ്ങളെ ഭ്രമണപഥത്തിലെത്തിക്കാനാണ് തീരുമാനിച്ചിരിക്കുന്നത്. ഭൂവിനിയോഗം അറിയുന്നതിനും, വനവ്യാപ്തി തിട്ടപ്പെടുത്തുന്നതിനും ഐസ് കവര് എന്തുമാത്രം ഉണ്ടെന്ന് അറിയുന്നതിനുമുള്ള ചിത്രങ്ങള് ലഭ്യമാക്കുകയാണ് നോവസാറിന്റെ ജോലി. ഇതിന് പുറമേ പ്രളയ ദുരന്ത പ്രവര്ത്തനങ്ങള് ഏകോപിപ്പിക്കുന്നതിന് സഹായിക്കുന്ന വിവരങ്ങളും നോവസാര് നല്കുമെന്നാണ് ബ്രിട്ടന്റെ പ്രതീക്ഷ.
പരിസ്ഥിതി നിരീക്ഷണം, വിഭവങ്ങളുടെ സര്വ്വേ, തുടങ്ങിയ പഠനങ്ങള്ക്കായാണ് എസ്14 വിക്ഷേപിക്കുന്നത്. ഐഎസ്ആര്ഒ ഈ വര്ഷം വിക്ഷേപിക്കുന്ന മൂന്നാമത്തെ പിഎസ്എല്വിയാണ് സി42.
https://www.facebook.com/Malayalivartha