കേന്ദ്ര സര്‍ക്കാര്‍ നിരോധിച്ച 328 ഫിക്‌സഡ് ഡോസ് കോമ്പിനേഷന്‍ മരുന്നുകളില്‍ മൂന്നെണ്ണം വില്‍ക്കാന്‍ സുപ്രീംകോടതിയുടെ അനുമതി
കേന്ദ്ര സര്‍ക്കാര്‍ കഴിഞ്ഞ ആഴ്ച നിരോധിച്ച 328 ഫിക്‌സഡ് ഡോസ് കോമ്പിനേഷന്‍ മരുന്നുകളില്‍ മൂന്നെണ്ണം വില്‍ക്കാന്‍ സുപ്രീംകോടതി അനുമതി നല്‍കി. വേദനാസംഹാരിയായ സാറിഡണ്‍ അടക്കമുള്ള മൂന്നു മരുന്നുകളാണ് വില്‍ക്കാന്‍ കോടതി അനുമതി നല്‍കിയത്. മരുന്നു നിര്‍മാതാക്കളുടെ ഹര്‍ജിയിലാണ് കോടതിയുടെ ഉത്തരവ്.
1988നു മുമ്പ് നിര്‍മാണം തുടങ്ങിയ മരുന്നുകള്‍ നിരോധിച്ചതിനെതിരെ നല്‍കിയ ഹരജികളില്‍ കോടതി കേന്ദ്ര സര്‍ക്കാറിന്റെ വിശദീകരണം തേടി. സാധാരണക്കാര്‍ സ്ഥിരമായി ഉപയോഗിക്കുന്ന സാറിഡണ്‍ കൂടാതെ പ്രമേഹ രോഗത്തിനുപയോഗിക്കുന്ന ഗ്ലുകോനോം പി.ജി, ആന്റിബയോട്ടിക്കായ ലുപിഡിക്ലോക്‌സ്, ആന്റിബയോട്ടിക് ക്രീം ടാക്‌സിം എ.ഇസഡ് എന്നീ മരുന്നുകള്‍ നിരോധിച്ച 328 മരുന്നുകളില്‍ പെടുന്നവയാണ്. ഈ മരുന്നുകള്‍ കഴിക്കുന്നതുകൊണ്ട് രോഗികള്‍ക്ക് പ്രത്യേകിച്ച് ഗുണമില്ലെന്ന് ചൂണ്ടിക്കാട്ടിയാണ് കേന്ദ്ര ആരോഗ്യ മന്ത്രാലയം മരുന്നുകള്‍ നിരോധിച്ചത്.
https://www.facebook.com/Malayalivartha
